«Falksvahien» paviedamiŭ, kali pačnucca prodažy jaho elektryčnaha mikrabusa
Lubimy mikraaŭtobus uźbiarežža Kalifornii, Volkswagen Microbus, znoŭ vierniecca — na hety raz užo ŭ jakaści elektryčnaha transpartnaha srodku, adznačaje Zak Estrada na staronkach resursu The Verge. Kampanija Volkswagen anansavała svaje płany pa vytvorčaści novaj viersii svajho kancepta I.D. Buzz. Kampanija spadziajecca pačać prodažy navinki da 2022 hoda.
Pakazany raniej u 2017 hodzie na Aŭtasałonie ŭ Detrojcie (Detroit Auto Show) novy transpartny srodak źjaŭlajecca pramym pierajemnikam mikraaŭtobusa, jaki kampanija pradavała ŭ Paŭnočnaj Amierycy z 1950-ch pa 1980-ja hady.
Viersija kancepta, pryznačanaja dla vytvorčaści, jak čakajecca, budzie niekalki adroźnivacca ad «tupanosaje» aryhinalnaje madeli, bo ŭsie batarei buduć ubudavanyja pad padłohu. Vierahodna, novy mikraaŭtobus budzie trochi padobny na Chevrolet Bolt.
Pierśpiektyva taho, što vytvorčaść I.D. Buzz pačniecca (varta adznačyć, što kampanija nie anansavała, što nazva transpartnaha srodku budzie mienavita takoj), źjaŭlajecca pryjemnaj navinoj dla tych spažyŭcoŭ, jakija zacikaŭleny ŭ aŭtamabili ź vialikaj kolkaściu miescaŭ dla pasažyraŭ, nie kažučy ŭžo pra nastalhiju pa aryhinalnaj madeli mikraaŭtobusa.
Jak i aryhinalny mikraaŭtobus, I.D. Buzz budzie taksama prapanoŭvacca spažyŭcam i ŭ hruzavoj viersii, adznačaje kampanija Volkswagen. Taki mikraaŭtobus pryznačajecca dla rynkaŭ roznych haradoŭ, u jakich patrabavańni da vykidaŭ robiać vykarystańnie transpartnych srodkaŭ z ruchavikami ŭnutranaha zharańnia darahim.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary