Jak paviedamlaje La Vanguardia, siońnia katałonskaja palicyja zabiła čałavieka z «pojasam šachida» ŭ Subiratsie, što za 53 km ad Barsiełony. Im moža być Junies Abujakub, jaki prataraniŭ mikraaŭtobusam natoŭp u Barsiełonie. Pavodle infarmacyi haziety, palicyja paćviardžaje hetyja źviestki.
Mienavita 22-hadovy Abujakub, vychadziec z Maroka, jaki žyŭ u horada Rypol, miarkuje palicyja, byŭ za rulom furhona, jaki 17 žniŭnia ŭrezaŭsia ŭ natoŭp na piešachodnaj vulicy Rambła ŭ Barsiełonie, zabiŭšy 13 čałaviek.
Abujakub zdoleŭ uciačy ź miesca zdareńnia, i ad taho času jaho nie mahli znajści. Mierkavali navat, što jamu ŭdałosia vyjechać u inšuju krainu.
Tolki siońnia, paviedamlaje hazieta, jaho ŭdałosia vyjavić u haradku San Sadurni d'Anoja, dziakujučy supracoŭnictvu hramadzian. Susied pabačyŭ, jak čałaviek, padobny da Abujakuba, vychodzić z domu. I kinuŭsia naŭcioki, kali jaho zapytali, što jon tut robić. Pra heta paviedamili palicejskamu patrulu. Adrazu ž razharnułasia apieracyja.
Raniej hałoŭnym padazravanym ličyli 17-hadovaha Musu Ukabira, ale jon, vidać, tolki arandavaŭ furhon, skarystaŭšysia dakumientami svajho starejšaha brata.
Cieła Ukabira vyjavili siarod piaci złamyśnikaŭ, zastrelenych palicyjaj u toj samy dzień paśla jašče adnaho terakta-najezda ŭ katałonskim horadzie Kambryłs. Tam jany najechali svaim aŭtamabilem na hrupu piešachodaŭ, zabiŭšy žančynu i paraniŭšy jašče šeść čałaviek.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja113
Kamientary