Astranaŭt NASA: «Samy składany etap padrychtoŭki da palotu — ruskaja mova»
Astranaŭt NASA Pehi Uitsan, jakaja zaraz znachodzicca na borcie Mižnarodnaj kaśmičnaj stancyi (MKS), raspaviała, što ruskaja mova akazałasia dla jaje samym składanym etapam usioj šmathadovaj padrychtoŭki da kaśmičnych palotaŭ.
«Samym składanym z usioj padrychtoŭki była ruskaja mova U mianie da hetaha času jość składanaści», — padzialiłasia vieteran kaśmičnych palotaŭ svaim vopytam z budučymi astranaŭtami NASA padčas videa-mosta pamiž arbitalnaj stancyjaj i novym naboram amierykanskich astranaŭtaŭ.
Uitsan, jakoj naležyć rekord siarod žančyn pa sumarnym znachodžańni ŭ kosmasie, pažartavała, što ŭsio jašče nie moža znajści ŭ sabie «adkazny za asvajeńnie movaŭ centr».
U červieni NASA abviaściła ab zaviaršeńni adboru novaha kłasa astranaŭtaŭ, jakim treba budzie ździejśnić kaśmičny palot paśla 2019 hoda. Z 18 353 pretendentaŭ byli adabranyja 12 čałaviek: piać žančyn i siem mužčyn. U paniadziełak jany aficyjna prystupili da navučańnia i padrychtoŭki da budučych kaśmičnych misij.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary