Ranicaj 8 vieraśnia nieviadomy napaŭ na studenta ŭ adnym z univiersiteckich internataŭ pa vulicy Babrujskaj u Minsku. U sacsietkach paviedamlajuć, što student atrymaŭ nažavyja ranieńni.
U Śledčym kamitecie TUT.BY paviedamili, što miescy pracuje śledča-apieratyŭnaja hrupa.
«Kastryčnicki rajonny adździeł SK raźbirajecca ŭ abstavinach zdareńnia. Pravodzicca ahlad miesca zdareńnia», - paviedamiła aficyjny pradstaŭnik Śledčaha kamiteta Julija Hančarova.
Student — pieršakurśnik minskaj VNU — žyvy, ale atrymaŭ traŭmy. Jakija mienavita - pakul nie ŭdakładniajecca.
Milicyja ŭžo šukaje padazravanaha, paviedamlaje HUUS Minharvykankama.
Heta mužčyna, na vyhlad jamu 25-30 hadoŭ, rost kala 180 sm. Byŭ apranuty va ŭsio čornaje, pry sabie mieŭ zaplečnik. Tych, chto vałodaje infarmacyjaj pra zdareńnie ci paznaŭ čałavieka na fota, milicyja prosić paviedamić pra heta pa telefonach: (029) 392-45-71, (029) 381-86-03, (029) 775-84-71, (029) 356-02-40, 8 (017) 226-20-93 abo 102.
«U vyniku praviedzienych apieratyŭna-vyšukovych mierapryjemstvaŭ infarmacyi, što złačyniec mieŭ asabistyja matyvy abo niepryjaznaje staŭleńnie da paciarpiełaha, nie majecca. Apieratyŭniki miarkujuć, što złačynstva było ździejśnienaje raptoŭna, bieź vidavočnych pryčyn i kanfliktnych situacyj, jakija mahli hetamu papiaredničać», — prainfarmavali ŭ HUUS.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary