Navukoŭcy stvaryli bavoŭnu, jakaja maje cikavuju ŭłaścivaść — śviacicca ŭ ciemry. Bavoŭnu hadavali takim čynam, što fluarescentnyja malekuły sami apynulisia ŭ jaje vałoknach. Pra padrabiaznaści daśledavańnia raspaviadaje časopis Science.
«Navukoŭcy aktyŭna raspracoŭvajuć «razumnyja» tkaniny. U našym ekśpierymiencie funkcyjanalnaja malekuła splatajecca razam ź inšymi budaŭničymi «cahlinkami», takimi jak hlukoza, utvarajučy funkcyjanalnyja nitki», — paviedamlaje aŭtar daśledavańnia Filip Natalijo.
Navukoŭcy vyrašyli dadać u vadu, jakoj siłkujecca padčas rostu bavoŭnik, asablivy materyjał, jaki nadaść jamu žadanyja ŭłaścivaści. Daśledčyki vyjavili, što, abjadnaŭšy dźvie malekuły, adna ź jakich naturalna pieranosicca raślinami ŭ kletki, a inšaja vyklikaje śviačeńnie, jany atrymajuć raślinnyja vałokny, jakija zmohuć śviacicca. Zatym z hetaha vałakna tradycyjnym sposabam možna zrabić tkaninu, jakaja śviecicca pad fluarescentnym śviatłom.
U chodzie ekśpierymientu vyjaviłasia, što ŭ vyhadavanych apisanym vyšej čynam bavoŭnikach pryblizna 5% śpiecyjalnych malekuł dasiahnuli vałakna. Hetaha akazałasia dastatkova, kab vałokny bavoŭny pačali śviacicca zialonym koleram pad uździejańniem fluarescentnaha śviatła.
Pa słovach aŭtaraŭ daśledavańnia, taki praces možna paŭtaryć ź inšymi materyjałami, vyrablenymi z bambuka abo lonu.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii10
Kamientary