Навукоўцы стварылі бавоўну, якая мае цікавую ўласцівасць — свяціцца ў цемры. Бавоўну гадавалі такім чынам, што флюарэсцэнтныя малекулы самі апынуліся ў яе валокнах. Пра падрабязнасці даследавання распавядае часопіс Science.
«Навукоўцы актыўна распрацоўваюць «разумныя» тканіны. У нашым эксперыменце функцыянальная малекула сплятаецца разам з іншымі будаўнічымі «цаглінкамі», такімі як глюкоза, утвараючы функцыянальныя ніткі», — паведамляе аўтар даследавання Філіп Наталіё.
Навукоўцы вырашылі дадаць у ваду, якой сілкуецца падчас росту бавоўнік, асаблівы матэрыял, які надасць яму жаданыя ўласцівасці. Даследчыкі выявілі, што, аб'яднаўшы дзве малекулы, адна з якіх натуральна пераносіцца раслінамі ў клеткі, а іншая выклікае свячэнне, яны атрымаюць раслінныя валокны, якія змогуць свяціцца. Затым з гэтага валакна традыцыйным спосабам можна зрабіць тканіну, якая свеціцца пад флюарэсцэнтным святлом.
У ходзе эксперыменту выявілася, што ў выгадаваных апісаным вышэй чынам бавоўніках прыблізна 5% спецыяльных малекул дасягнулі валакна. Гэтага аказалася дастаткова, каб валокны бавоўны пачалі свяціцца зялёным колерам пад уздзеяннем флюарэсцэнтнага святла.
Па словах аўтараў даследавання, такі працэс можна паўтарыць з іншымі матэрыяламі, вырабленымі з бамбука або лёну.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»11
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары