U Daniecku ździejśnieny zamach na ministra dachodaŭ i zboraŭ t. zv. «NR Alaksandra Cimafiejeva, paviedamlaje «Dožd́».
«Było dva vybuchi, ździejśnieny zamach na ministra dachodaŭ i zboraŭ DNR Cimafiejeva. Jon u krytyčnym stanie», — raspaviała RIAN krynica ŭ siłavych strukturach.
Na aficyjnym sajcie DNR hetaja infarmacyja paćviardžajecca. Raniej «Interfaks» paviedamiŭ, što ŭ centry Daniecka ŭ rajonie praśpiekta Mira adbylisia dva vybuchi. Pavodle papiarednich danych, u vyniku vybuchaŭ paciarpieli 8 čałaviek. Na miescy pracujuć supracoŭniki pravaachoŭnych orhanaŭ.
U pres-słužbie ministerstva dachodaŭ i zboraŭ raspaviali DAN, što vybuchnuła mašyna ministra. Nieviadoma, dzie była zakładzienaja vybuchnaja pryłada. «Ź ministram tolki što razmaŭlała, jon žyvy, zdarovy», — raspaviała pradstaŭnica pres-słužby viedamstva.
Alaksandr Cimafiejeŭ maje pazyŭny «Taškient», bo jon vučyŭsia ŭ Taškienckim vyšejšym ahulnavajskovym kamandnym vučyliščy. Z 1996 hoda žyvie ŭ Daniecku. Z momantu pačatku vajny na ŭschodzie Ukrainy jon prymaŭ udzieł u bajach na baku sieparatystaŭ, u pryvatnaści, u Danieckim aeraporcie.
U listapadzie 2014 hoda Cimafiejeva abrali deputatam Narodnaha Savieta DNR ad frakcyi Danieckaja Respublika. Tady ž jon staŭ ministram dachodaŭ i zboraŭ «DNR».
Kamientary