6 krymskich tataraŭ byli zatrymanyja siońnia ŭ Bachčysarai. Jany ŭziatyja pad vartu pa padazreńni ŭ prynaležnaści da hrupoŭki «Chizb ut-Tachryr», paviedamlaje krymskatatarski kanał ATR.
Akramia taho, adnačasova ź imi administratyŭna zatrymali jašče 9 susiedziaŭ, jakija źbiehlisia na miesca aryštaŭ vykazvać svoj pratest.
Usiaho kolkaść palitviaźniaŭ u Krymie dasiahnuła 54 čałavieki, ź ich pałova — etničnyja tatary, a druhaja pałova — ukraincy.
Pa słovach kiraŭnika Miedžlisa krymskatatarskaha naroda Rafata Čubarava, abvinavačvańni ŭ prynaležnaści da «Chizb ut-Tachryr» nadumanyja. Pa-pieršaje, hetaja arhanizacyja lehalnaja ŭ bolšaści krain śvietu. Pa-druhoje, aryštoŭvajuć prosta aktyvistaŭ nacyjanalnaha i relihijnaha ruchu.
U Rasii ekstremisckim abvieščany i sam Miedžlis — vybarnaja rada pradstaŭnikoŭ krymskich tataraŭ, jaki admoviŭsia pryznać anieksiju Kryma Rasijaj.
Siarod inšych krymskich palitviaźniaŭ — 67-hadovy žurnalist Mikoła Siamiena, jaki atrymaŭ 2,5 hoda turmy za repartažy na sajt «Krym. Realii» i radyjo «Svaboda», u jakich jon nazyvaŭ Krym akupavanym. Zastajecca za kratami i 41-hadovy ŭkrainiec-režysior Aleh Siancoŭ.
«My majem spravu z vydušvańniem krymskich tataraŭ z Kryma», - tak prakamientavaŭ siońniašnija aryšty kiraŭnik krymskatatarskaha telekanała ATR Lanur Isłamaŭ.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary