Batł — značyć «bitva». Hetaje słova spačatku ŭvajšło ŭ leksikon repieraŭ, pad upłyvam amierykanskaha repa. Batły stali pravodzić i prosta paety. Heta spabornictvy, na jakich aŭtary čytajuć svaje chatnija zahatoŭki i impravizujuć u adkaz na vieršy supiernika.
3 listapada svoj paetyčny batł arhanizavaŭ mabilny apieratar velcom u ramkach svajho prajekta «Čytajem pa-biełarusku z velcom».
Pajadynak adbyŭsia ŭ dzień 135-hadovaha jubileju Jakuba Kołasa, pieramožcu vyznačyli hledačy. U składzie zbornych vystupili biełaruskija paety i akciory. Na rynhu ŭ «Galleria Minsk» jany čytali jak svaje vieršy, tak i tvory dvuch słavutych kłasikaŭ.
U «Zbornuju Kołasa» uvajšli paetka Kaciaryna Mase, aktrysa Alesia Sivochina i paet Aleś Śnieh. «Zbornaja Kupały» składałasia z paetki Marharyty Łatyškievič, akciorki Nasty Žłukcienki i paeta Mikity Najdzionava.
Paetyčny battł składaŭsia z troch raŭndaŭ, u kožnym ź jakich sustrelisia pa adnym pradstaŭniku ad kožnaj kamandy. Vioŭ «Vieršus» akcior Kupałaŭskaha teatra Raman Padalaka, a pieramožcaŭ vyjaŭlali pry dapamozie šumamiera.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary