Ministerstva zamiežnych spraŭ Ukrainy ŭ adkaz na abviaščeńnie Biełaruśsiu ŭkrainskaha dypłamata Ihara Skvarcova piersonaj non-hrata ŭ našaj krainie vysłała z Ukrainy supracoŭnika pasolstva Biełarusi ŭ Kijevie.
Pra heta UNIAN paviedamiła pres-sakratar MZS Marjana Bieca.
«U suviazi ź infarmacyjaj biełaruskaha boku pra abviaščeńnie piersonaj non-hrata supracoŭnika pasolstva Ukrainy ŭ Biełarusi chacieli b adznačyć, što ŭkrainski bok na asnovie pryncypu ŭzajemnaści taksama vysłaŭ biełaruskaha dypłamata z Ukrainy», - skazała Bieca.
Proźvišča hetaha dypłamata i inšyja padrabiaznaści jana nie paviedamiła.
17 listapada stała viadoma, što 25 kastryčnika ŭ Minsku supracoŭniki KDB Biełarusi zatrymali ŭłasnaha karespandenta «Ukrainskaha radyjo» ŭ Biełarusi, byłoha ŭłasnaha karespandenta UNIAN u Minsku Paŭła Šarojku.
20 listapada ŭ KDB zajavili, što «kaardynacyju dziejnaści raźviedki» ŭkrainskaha žurnalista Šarojki «ažyćciaŭlaŭ supracoŭnik Hałoŭnaha ŭpraŭleńnia raźviedki Ministerstva abarony Ukrainy, jaki dziejničaŭ pad prykryćciom pasady daradcy pasolstva Ukrainy ŭ Biełarusi».
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary