Hałoŭnym śledčym upraŭleńniem zavieršana rasśledavańnie kryminalnaj spravy ab zabojstvie 14-hadovaj žycharki Viazynki, što ŭ Maładziečanskim rajonie, paviedamlaje sk.gov.by.
Školnica źnikła 29 lipienia. 1 žniŭnia jaje cieła było znojdziena ŭ lasnym masivie niedaloka ad vioski. Padazravany byŭ nieŭzabavie zatrymany.
Było ŭstanoŭlena, što 24-hadovy žychar Minska, znachodziačysia ŭ adnoj kampanii z 14-hadovaj školnicaj, pahadziŭsia pravieści jaje dadomu. Pa darozie, u lasnym masivie pablizu sadovaha tavarystva «Udarnik», pamiž maładymi ludźmi paŭstaŭ kanflikt, padčas jakoha abvinavačvany zadušyŭ dziaŭčynku.
Pa dadzienych śledstva, abvinavačany i paciarpiełaja znachodzilisia ŭ stanie ałkaholnaha apjanieńnia.
Mužčynu pradjaŭlenaje abvinavačvańnie pa č. 1 art. 139 (zabojstva), č. 1 art. 347 (ździek z trupa) Kryminalnaha kodeksa Respubliki Biełaruś.
Kryminalnaja sprava pieradadziena prakuroru dla nakiravańnia ŭ sud.
Kamientary