Značnaje pavyšeńnie akcyzaŭ na cyharety prymušaje rasiejcaŭ vyroščvać ułasny tytuń i machorku na leciščach, — zajaviŭ u piatnicu staršynia Kamitetu Savieta Fiederacyi pa biudžecie i finansavych rynkach Siarhiej Rabuchin, paviedamlaje «Interfaks».
«Kali pryjazdžaješ u rehijon, z žacham daviedvaješsia, što narod pierajšoŭ na vyroščvańnie tytuniu, machorki. A pa statystycy narmalna — [vytvorčaść tytuniu] ŭpała na 21 pracent, i kuryć byccam by stali mienš. Na samoj spravie, heta nie tak », — skazaŭ jon.
U vieraśni kiraŭnik Ministerstva achovy zdaroŭja Rasii Vieranika Skvarcova zajaviła, što ŭ krainie płanujecca dalejšaje pastupovaje pavyšeńnie akcyzaŭ na tytuń. Zaraz pačak najtańniejšych cyharet u Maskvie kaštuje amal jeŭra.
Jeŭrazijskaja antytytuniovaja kaalicyja niadaŭna napisała list premjer-ministru Rasii Dźmitryju Miadźviedzievu, u jakim paprasiła davieści akcyzy na tytuniovyja vyraby da siaredniejeŭrapiejskaha ŭzroŭniu. U vypadku padtrymki dadzienaj inicyjatyvy košt adnaho pačka cyharet budzie składać nie mienš za 2 jeŭra.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary