Pamierła babula-rekardsmienka, u jakoj było bolš za 150 unukaŭ i praŭnukaŭ
U Vialikabrytanii pamierła babula-rekardsmienka, u jakoj było bolš za 150 unukaŭ, praŭnukaŭ i prapraŭnukaŭ, paviedamlaje Daily Mail.
Marharet Chovart pajšła z žyćcia va ŭzroście 98 hadoŭ u balnicy ŭ asiarodździ dzieviaci žyvych dziaciej va ŭzroście ad 50 da 70 hadoŭ. Žančyna da svajoj śmierci abychodziłasia biez dapamohi šmatlikich naščadkaŭ.
Unučka Chovart Amanda Mikin pryznałasia, što niabožčyca lubiła, kali siamja źbirałasia razam. «Jana źviazała što-niebudź dla kožnaha dziciaci, jaki naradziŭsia ŭ siamji. Usie dziaŭčynki tak i lipli da jaje, ale varta było pačacca futbolnamu matču, jana biehła da chłopcaŭ», — uspaminaje jana.
31 studzienia adbudziecca pachavańnie Chovart, kudy źbiarucca ŭsie svajaki žančyny: 45 unukaŭ, 84 praŭnuki i 25 prapraŭnukaŭ. U jaje było 12 dziaciej, adnak adno ź ich pamierła ŭ rańnim uzroście.
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni4
Kamientary