Paśla publikacyi rasśledavańnia kiraŭnika Fondu baraćby z karupcyjaj Alaksieja Navalnaha rasijski miljarder Aleh Dzierypaska padaŭ pazoŭ suprać dźviuch fizičnych asob. Pry hetym sam Navalny fihurantam spravy nie źjaŭlajecca, sud abaviazaŭ Raskamnahlad błakavać dostup da jaho rasśledavańnia da vyrašeńnia sprečki pa sutnaści.
Pazoŭ padadzieny suprać Anastasii Vašukievič (Naści Rybki) i Alaksandra Kiryłava (Aleksa Leśli), jakija ŭ svaich sacyjalnych sietkach raźmiaścili pryvatnyja fatahrafii, na jakich pakazany Aleh Dzierypaska, a taksama aŭdyjozapisy jaho razmoŭ, zroblenyja tajemna, raskryŭšy detali jaho pryvatnaha žyćcia, — raspavioŭ RBK pradstaŭnik Dzierypaski.
Jak adznačyŭ, što sam biznesmen nie davaŭ zhody na raspaŭsiud piersanalnaj infarmacyi. «Adkazčykam pa spravie Alaksiej Navalny nie źjaŭlajecca, niahledziačy na toje, što jon niezakonna vykarystaŭ infarmacyju ab pryvatnym žyćci A. Dzierypaski, smakujučy u svaim roliku padrabiaznaści pryvatnaha žyćcia i pradjaŭlajučy hałasłoŭnyja abvinavačvańni», - udakładniŭ surazmoŭca RBK.
Mahčymaj pryčynaj pazovu Aleha Dzierypaski stała «reŭnaść». Pra heta RBK zajaviła sama Naścia Rybka, adkazvajučy na pytańni ab jaje pazicyi ŭ adkaz na pazoŭ i paviedamleńni pra toje, što jana prysutničała na jachcie razam ź Dzierypaskam i vice-premjeram Rasii Siarhiejem Prychodźkam.
«Razam sa mnoj u sud pojdzie adkazčykam Aleks Leśli, ja dumaju, heta nie tak prosta. Z usich maich mužčyn najbolšuju ŭvahu pryciahvaje čamuści jon. Ad Aleha heta banalnaja reŭnaść. Heta značyć ja jamu siońnia telefanavała, jon nie adkazaŭ na telefanavańnie, i, mabyć, pakryŭdziŭsia», - dadała jana.
«Tamu ciapier my budziem mieć kantaktavać z dapamohaj ŚMI i Instagram, što ŭ pryncypie taksama niadrenny varyjant», - raspaviała Naścia Rybka.
***
Navalny apublikavaŭ svajo rasśledavańnie 8 lutaha. Z materyjału vynikała, što vice-premjer Siarhiej Prychodźka adpačyvaŭ razam z Aleham Dzierypaskam na jaho jachcie Elden. Rasśledavańnie było zasnavana na publikacyjach u Instagram Naści Rybki, jakaja była na jachcie, i na źviestkach ź jaje knihi «Dziońnik pa spakušeńni miljardera».
Naścia Rybka zaprasiła Pucina na asabistuju sustreču. Abiacaje raskazać šmat cikavaha
Jak eskortnica z Babrujska nieśviadoma vykryła sumnieŭny adpačynak rasijskaha top-čynoŭnika z aliharcham FOTY
«Ja była ŭ apazicyi na Chartyi i nas zabrali ŭ KDB na dopyt»
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary