«Pahadžajsia na seks, naradžaj». Fatohrafka stvaryła paštoŭki dla maci, dzie stroić ź siabie ščaślivuju žonku i paluboŭnicu
38-hadovaja Albina Halejeva nie zamužam, u jaje niama dziaciej, i praz heta jaje vielmi časta dapiakajuć pytańniami kštałtu: čamu tak? Ale jak pavinna być? I chto heta vyrašyŭ?
«Maja maci kaža, što mnie treba być padatlivaj, kab znajści sabie muža. Adzin hiniekołah prapanavaŭ mnie naradzić dla siabie, druhi — na ŭsiaki vypadak zamarozić jajkakletki. Hramadstva čakaje ad mianie naščadkaŭ, šlubu, svajoj kvatery; instahram — sełfi; mužčyny — zaprašeńniaŭ na seks», — padzialiłasia nabalełym Albina z Birdinflight.
Jak mastačka i fatohrafka jana vyrašyła prymieryć usie stereatypnyja vobrazy ščaślivaj žančyny i źniała sieryju paštovak, adrasavanych maci. Adnoj z tych, chto najbolš niezadavoleny tym, jak składvajecca žyćcio Albiny.
Dla zdymkaŭ Albina šukała mužčyn u dadatkach dla znajomstvaŭ. Jana prapanoŭvała im «pražyć» razam roznyja etapy ŭzajemaadnosin. Tak, jak «pavinna być u normie».
«Kali ja fatahrafuju nas, ja hladžu ŭ kamieru ź niamym pytańniem. Čamu, kali ja imknusia pierasiahnuć samu siabie, ja šukaju adabreńnia i ŭvahi? Ci nie hublaju ja siabie, kali pražyvaju žyćcio ŭ adpaviednaści z rolaj? Ci, mabyć, tak ja sprabuju bolš daviedacca pra siabie?», — sprabuje znajści adkazy Albina.
Kamientary