U Jerevanie prychilniki apazycyi pačali abvieščanuju napiaredadni akcyju hramadzianskaha niepadparadkavańnia, kab praduchilić pryznačanaje na 17 krasavika hałasavańnie ŭ parlamencie pa kandydatury byłoha prezydenta Sierža Sarhsiana na pasadu premjer-ministra Armenii, paviedamlaje radyjo «Svaboda».
Arhanizatar akcyi, lidar partyi «Hramadzianski dahavor» Nikoł Pašynian z prychilnikami zablakavali niekalki vulic u centry Jerevana. Da ich dałučylisia studenty, pačaŭšy siadziačuju zabastoŭku. Na 10 chvilin byŭ spynieny ruch metro, zablakavanyja niekalki mastoŭ.
Na skryžavańni adnoj z vulic horadu adbyłosia sutyknieńnie pamiž pratestoŭcami i kiroŭcam aŭtamabila ź dziaržnumarami. Kiroŭca i pasažyry napali na aktyvistaŭ, nanieśli im udary i, prarvaŭšy vystaŭlenaje studentami ačapleńnie, sieli ŭ mašynu i źjechali.
Palicyja Armenii abviaściła, što «ŭsie dziejańni aktyvistaŭ niezakonnyja, hetym jany abmiažoŭvajuć prava hramadzian na svabodu pieramiaščeńnia». Pra prymianieńnie siły da aktyvistaŭ nie paviedamlajecca.
Udzielniki šeścia na čale ź Nikołam Pašynianam prajšli praź niekalki palicejskich kardonaŭ. Jany padymali ŭhoru ruki, pakazvajučy, što nia majuć namieru ŭstupać u sutyknieńni z palicyjaj i što ich akcyja mirnaja.
Paźniej, u vyniku supraćstajańnia pamiž pratestoŭcami i palicyjaj na praspekcie Bahramiana ŭ Jerevanie jak minimum dvoje demanstrantaŭ byli paranienyja.
Palicyja raściahnuła kalučy drot i ŭžyła specsrodki, praŭdapadobna šumavyja hranaty.
Taksama palicyja papiaredziła demanstrantaŭ, što pryniataje rašeńnie ab razhonie demanstracyi.
U sakaviku parlament Armenii ŭpieršyniu vybraŭ novaha prezydenta krainy, kančatkova zaviaršyŭšy kanstytucyjnuju reformu 2015 hoda.
Kraina pierachodzić da parlamenckaj formy praŭleńnia. Kiravać dziaržavaj stanie premjer-ministar. Kirujučaja Respublikanskaja partyja Armenii 14 krasavika vyłučyła na hetuju pasadu Sierža Sarhsiana, jaki z 2008 pa 2018 hady zajmaŭ pasadu prezydenta.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary