Ministr unutranych spraŭ Brytanii Embier Rad syšła ŭ adstaŭku ŭ suviazi sa skandałam vakoł imihrantaŭ tak zvanaha pakaleńnia Uindraš, piša Bi-bi-si.
Heta imihranty z Karybskaha basiejna, pieršy karabiel ź jakimi pad nazvaj «Empajr Uindraš» (Windrush) prybyŭ u Łondan 22 červienia 1948 hoda. Ich zaprasili ŭ Brytaniju, kab papoŭnić niedachop pracoŭnaj siły ŭ krainie.
Skandał uźnik paśla taho, jak stała viadoma, što niekatorych pierasialencaŭ z krain-členaŭ Brytanskaha Sadružnaści, jakija pryjechali ŭ Karaleŭstva ŭ pieryjad z kanca 1940-ch da 1970-ch hadoŭ, a taksama ich svajakoŭ abviaścili nielehalnymi imihrantami.
Ministra krytykavali za toje, što MUS ustalavała metavyja pakazčyki na departacyju imihrantaŭ pakaleńnia Uindraš, i što Rad było pra heta viadoma.
U niadzielu ŭviečary Rad patelefanavała premjer-ministru i paviedamiła pra svajo rašeńnie pakinuć pasadu — u suviazi z uzmacnieńniem cisku z boku apazicyi, jakaja zapatrabavała jaje adstaŭki.
U prašeńni ab adstaŭcy havorycca, što ministr biare na siabie ŭsiu adkaznaść za toje, što joj nie było viadoma ab metavych pakazčykach, ustanoŭlenych u jaje ministerstvie.
«Premjer-ministr ŭviečary pryniała adstaŭku ministra ŭnutranych spraŭ», — zajaviŭ pres-sakratar urada 29 krasavika.
Imia pierajemnika Rad čale MUS, jak čakajecca, stanie viadoma ŭ paniadziełak.
Pa słovach adnaho z deputataŭ, «Embier Rad syšła, bo była nie ŭ kursie taho, što adbyvajecca ŭ jaje viedamstvie» i straciła davier svaich padnačalenych.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary