4K-telebačańnie i ŭłasny kanał: velcom abviaściŭ pra stvareńnie bujnoha hulca na rynku miedyja
U Biełarusi źjaviŭsia bujny hulec na miedyjarynku, jaki maje namier raźvivać siehmient TB, videa, aŭdyjo i inšaha zabaŭlalnaha kantentu, paviedamili TUT.BY na pres-kanfierencyi velcom. Siarod płanaŭ — ułasny TB-kanał, pramyja tranślacyi futbolnych matčaŭ, videa pa zapycie, dajdžest-kanały (Loop Channels) i 4K TB.
Raźvićciom medyjakantentu zojmiecca asobnaje padraździaleńnie. Uznačalić jaho Viačasłaŭ Śmirnoŭ, jaki ŭ apošnija hady kiravaŭ u velcom adździełam karparatyŭnych kamunikacyj.
Novaja struktura budzie zajmacca jak vytvorčaściu ŭłasnaha kantentu, tak i adaptacyjaj dla biełaruskaha rynku papularnych suśvietnych šou i sieryjałaŭ. Bolšaja ich častka atrymaje raźvićcio pad brendam VOKA, a asobnyja prajekty buduć dastupnyja isnujučym apierataram u Biełarusi. Raspaŭsiudžvańnie atrymajuć trendavy farmaty, jakija ciapier karystajucca najbolšym pośpiecham u zachodnich krainach, a velcom chacieŭ by ŭ pierśpiektyvie zajmacca nie tolki viaščańniem, ale i raspaŭsiudžvańniem kantentu.
U najbližejšych płanach — prystupić da tranślacyj futbolnych matčaŭ nacyjanalnaha čempijanatu. Paśpiachovyja pieramovy na hety kont užo prajšli ź Biełaruskaj fiederacyjaj futboła. Akramia taho, płanujecca vieści pramyja tranślacyi z bujnych kibierturniraŭ.
Ličbavaje telebačańnie VOKA ŭ najbližejšaj budučyni taksama zapuścić u Biełarusi anłajn-kinateatr IVI, u jakim pradstaŭlena bolš za 60 tys. Filmaŭ i sieryjałaŭ amierykanskich i rasiejskich kinastudyj. A jašče ŭ krainu pryjdzie videaservis START.RU, jaki robić staŭku na rasijskija kino. Raźvićcio ŭ Biełarusi atrymaje taksama zvyšdakładnaje telebačańnie. Kantent u farmacie 4K ŭžo pradstaŭleny ŭ VOKA, a ŭ budučyni asartymient stanie šyrejšym.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary