Internet i ŚMI

Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?

Niekali viadomy žurnalist, a apošnija hody prapahandyst Kirył Kazakoŭ znajšoŭ novuju rabotu paśla zvalnieńnia z pasady kiraŭnika STB. 

Zvolnili Kazakova jašče da refierendumu. STB jon prakiravaŭ niapoŭny hod, za jaki telekanał paśpieŭ stać uzoram prapahandy. 

Kazakoŭ daŭ darohu na ekran Azaronkam, Pustavym i hetak dalej. Raspalvańnie nianaviści jon nazyvaŭ «aŭtarskaj žurnalistykaj». 

Kirył Kazakoŭ (pa centry) sa svaimi prateže

Čytajcie taksama: Pačynaŭ z «Zony Ch», daŭ darohu azaronkam, a ciapier uznačaliŭ Staličnaje telebačańnie — historyja pośpiechu Kiryła Kazakova

U kalektyvie adznačajuć ahulnuju niečakanaść rašeńnia, ale miarkujuć, što na rašeńnie źniać Kazakova paŭpłyvali prablemy mieniedžara z ałkaholem, a taksama praha da žyćcia na šyrokuju nahu.

«Kazakoŭ uładkavaŭ viadučymi na STB svaju navaśpiečanuju žonku Alonu Radoŭskuju i jaje dačku, moh nie źjaŭlacca na rabocie pa pryčynie pjanki, braviravaŭ svaim ładam žyćcia, chacia inšyja rabotniki majuć kudy mienšyja zarobki», — patłumačyli «Našaj Nivie» byłyja kalehi.

Radoŭskaja i Kazakoŭ (za jaje śpinaj) na śviatkavańni jaje 44-hodździa

«Usie tyja, z kim jon raniej pracavaŭ na BT — Natalla Ejsmant, Kryvašejeŭ i hetak dalej, — pajšli na vialikaje pavyšeńnie, «stali ludźmi». Jon hladzieŭ i zajzdrościŭ, pajšoŭ śledam, z talenavitaha žurnalista pieratvaryŭsia ŭ toje, kim nichto inšy nie chacieŭ by być, pierastaŭ rabić na poŭnuju siłu toje, što ad jaho patrabavałasia. Pasadzić to takoha hieroja vajny za los Łukašenki nie pasadziać, ale panizić — panizili», — dadajuć inšyja. 

Karespandentka STB i dačka Alony Radoŭskaj

Paru miesiacaŭ Kazakoŭ byŭ biez raboty — za im pakinuli tolki prahramu na STB. 

Na jaho miesca na kanale pryznačyli favaryta Kačanavaj — pravincyjnaha mieniedžara, navapałačanina Alaksandra Asienku, jaki da taho kiravaŭ navapołackim kabielnym telebačańniem. 

I voś, niadaŭna Kazakoŭ atrymaŭ pasadu — hałoŭnaha redaktara vydańnia «Minski kurjer». Heta niepapularnaja prapahandysckaja hazieta ŭ składzie chołdynha «Minsk-Naviny», jakim kiruje Andrej Kryvašejeŭ. 

«Kazakova padabraŭ Kryvašejeŭ, bo z novaj žonkaj — Radoŭskaj — jany siabrujuć siemjami. Budujuć hrandyjoznyja płany pa adkryćci novaha telebačańnia na bazie «Minsk-Navin». Heta toje, na što raniej nie zmoh znajści biudžetu, chacia vielmi chacieŭ, Kazijatka», — patłumačyli «Našaj Nivie» abaznanyja.

Z prychodam Kazakova ŭ «Minskim kurjery» źjaviłasia i «aŭtarskaja žurnalistyka». U haziecie drukujucca kałonki viadučych STB Azaronka (adna ź ich nazyvałasia «Zdaj zmahara»), Alony Radoŭskaj.

Čytajcie taksama:

Biełaruskija prapahandysty prajhrajuć rasijskim. U topie TB-prahram — kramloŭskija naviny

Raniej chacieła žyć va Ukrainie — ciapier raskazvaje, što tam nacysty. Chto takaja Anastasija Bieniedzisiuk, novy tvar prapahandy

Kamientary

Kiraŭnik Lidy zaklikaŭ siłavikoŭ nie spyniać palityčnych represij28

Kiraŭnik Lidy zaklikaŭ siłavikoŭ nie spyniać palityčnych represij

Usie naviny →
Usie naviny

U MNS raspaviali pra nastupstvy ŭčorašniaj niepahadzi: paškodžańni, padtapleńni, pavalenyja drevy1

Pad Minskam učora bačyli śmierč

Čas dla vialikaha nastupu Rasii: jakimi mohuć być «apošnija 50 dzion vajny»3

Aŭtobus Minsk — Vilnia źjechaŭ u kiuviet u Vałožynskim rajonie

Dla haradžan — pieramoha, dla viaskoŭcaŭ — trahiedyja. Što pakazała dziaržaŭnaje apytańnie pra Druhuju suśvietnuju vajnu24

Achova i dziasiatki ludziej u kamandzie: za što žyvie Ofis Cichanoŭskaj u Vilni?49

Užo ŭ adzinaccać hadoŭ? Va ŭsim śviecie ŭzrost pačatku pieršych miesiačnych praciahvaje maładzieć7

Šmatdzietnaja amierykanskaja siamja ŭciakła ŭ Rasiju ad «ŁHBT-prapahandy». Muž užo trapiŭ na vajnu18

«Takoha jašče nie było». Adbyłasia masiravanaja ataka na Kryvy Roh, Vińnicu, Charkaŭ3

bolš čytanych navin
bolš łajkanych navin

Kiraŭnik Lidy zaklikaŭ siłavikoŭ nie spyniać palityčnych represij28

Kiraŭnik Lidy zaklikaŭ siłavikoŭ nie spyniać palityčnych represij

Hałoŭnaje
Usie naviny →

Zaŭvaha:

 

 

 

 

Zakryć Paviedamić