Šmatdzietnyja siemji Minska sabralisia ŭ Licei BDU FOTA
U niadzielu, 27 maja, u Licei BDU sabralisia bolš za 80 šmatdzietnych siemjaŭ z usiaho Minska. Dla ich arhanizavali śviatočnuju imprezu, pryśviečanuju Mižnarodnamu dniu abarony dziaciej.
U šmatdzietnych i małazabiaśpiečanych siemjaŭ praz chatni kłopat nie zaŭsiody jość mahčymaść nabyć kvitok u cyrk ci teatr, kab atrymać novyja ŭražańni ci prosta pabavić čas razam. Da taho ž, takija śviaty — mahčymaść sustrecca z takimi ž šmatdzietnymi baćkami, abmierkavać nadzionnyja pytańni i abmianiacca navinami.
Inicyjavała śviata leninskaja rajonnaja arhanizacyja Biełaruskaja asacyjacyja šmatdzietnych baćkoŭ. Sietka aptek «ADEL» padtrymała inicyjatyvu i padrychtavała dla haściej imprezy fotazonu dy padarunki.
Spačatku bolš čym dla 200 hledačoŭ vystupili dziciačyja samadziejnyja kalektyvy. Dalej dzietak čakali animatary, ź jakimi jany mahli patančyć, zaśpiavać lubimyja pieśni i pieratvarycca ŭ źviaroŭ dy piersanažaŭ mulcikaŭ dziakujučy akvahrymu. Dla ŭsich prystutnych byli padrychtavanyja padarunki ad sietki aptek.
Darečy, heta nie pieršy sacyjalny prajekt z udziełam aptečnaj sietki. Vosieńniu 2017 hoda «ADEL» zapuściła doŭhaterminovuju akcyju «Ad serca da serca», jakoj padtrymlivaje Respublikanski dziciačy kardyjałahičny centr na bazie RNPC dziciačaj chirurhii ŭ Minsku. Častka srodkaŭ z kožnaj pakupki ŭ aptekach pieraličvajecca na dapamohu dzietkam, jakija prachodziać składanaje lačeńnie.
Kamientary