Zahadčyca supraćepidemičnaha adździaleńnia Respublikanskaha centra hihijeny, epidemijałohii i hramadskaha zdaroŭja Ułada Zapolskaja paviedamiła, što pieršyja ŭkusy zarehistravanyja ŭ studzieni ŭ Bresckaj i Mahiloŭskaj abłaściach.
Napady nasiakomych adbyvalisia padčas pracy ŭ sielskahaspadarčych pabudovach. U lutym novych vypadkaŭ pakul nie było, ale paśla spadu marazoŭ aktyŭnaść klaščoŭ adnovicca.
Niahledziačy na raspaŭsiudžanuju dumku, što śnieh i mocnyja marazy mohuć zhubna ŭpłyvać na klaščoŭ, nasamreč heta nie tak: pad śnieham i ŭ padściłcy z apałych liściaŭ jany zachoŭvajucca ŭ stanie anabijozu jak pad ciopłaj koŭdraj, i z prychodam tempieratur vyšej za +5 °C vyjduć na pavierchniu. Uvohule ž u Biełarusi jość terytoryi, dzie klaščy aktyŭnyja kruhły hod — heta ciopłyja rehijony Homielščyny, Hrodzienščyny i Brestčyny.
Štohod pa dapamohu z pryčyny ukusaŭ klaščoŭ u arhanizacyi achovy zdaroŭja źviartajecca kala 30 tysiač čałaviek.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku7
Kamientary