Raniej jana vyrašała pytańni transhiendaraŭ i pacyfistaŭ, a ciapier šukaje «klimatyčnuju spraviadlivaść».
Biełaruskaja palityčnaja aktyvistka Volha Karač znajšła novy profil dziejnaści. Jana vystupaje z vebinarami pra klimat.
Jaje kurs nazyvajecca «Uvodziny ŭ fieminizm i klimatyčnuju spraviadlivaść».
Karač abiacaje patłumačyć usim achvotnym, jak źviazany klimatyčny kryzis z pravami žančyn, u pryvatnaści, biežanak, a taksama z hiendarnaj spraviadlivaściu.
Anons jaje klimatyčnych vebinaraŭ nabraŭ u fejsbuku i instahramie pa dva łajki, choć kolkaść padpisčykaŭ pieravyšaje 22 tysiačy čałaviek.
U 2020‑m Volha Karač zajmałasia abaronaj pravoŭ transhiendaraŭ.
«Ja navat nie viedaju, pad što siońnia nielha atrymać hrošy pry vialikim žadańni. Možna atrymlivać hrošy pad baraćbu za pravy transhiendaraŭ, možna atrymlivać hrošy za baraćbu suprać pravoŭ transhiendaraŭ — na heta taksama vydzialajucca srodki, prosta z roznych strukturaŭ», — pryznavałasia jana ŭ intervju «Našaj Nivie».
U 2021‑2022 jana padtrymlivała ŭsich, chto vystupaŭ za radykalnaja akcyi «pramoha dziejańnia» ŭ baraćbie suprać Alaksandra Łukašenki.
A pačynajučy z 2022 hoda pajšła ŭ «baraćbu za mir i razzbrajeńnie» — abaraniaje «biełaruskich dezierciraŭ» i dziejničaje ŭ partniorstvie z arhanizacyjami, jakija zaklikajuć nie davać zbroju Ukrainie.
Karač žyvie ŭ Litvie, ale pryznanaja pahrozaj nacyjanalnaj biaśpiecy hetaj krainy.
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu30
Kamientary
Za jakija temy eŭrapiejskija fondy hatovy płacić, tam i hatovy pracavać.