Ekskursija «Začaravańnie Naračanskaha kraju» praviadzie Vas u najpryhažejšy rehijon Biełarusi — vakolicy voziera Narač i Błakitnych azioraŭ, sapraŭdny dyjamient našaha kraju.
Akramia pryrodnych cudaŭ, vy atrymajecie mahčymaść paznajomicca ź miascovymi pomnikami historyi i architektury: chramami, siadzibami, 300-hadovym klaštaram, haroj Stefana Batoryja.
Pasiarod lesu ŭ malaŭničym kutku miž troch azior — Miastra, Narač i Biełaje — raźmiaściŭsia ŭnikalny łandšaftny abjekt: Aptekarski sad. Tut možna adpačyć i ciełam, i dušoj. U Aptekarskim sadzie ŭ vyhladzie tematyčnych kvietnikaŭ, raślinnych art-abjektaŭ pradstaŭlena bolš za 200 vidaŭ raślin.
Adnym z najpryhažejšych miescaŭ Naračanskaha kraju źjaŭlajecca vioska Zaśvir. Tut, u cichim kutku, try stahodździ tamu ajcy karmielity zasnavali staražytny kaścioł i klaštar. Da chramavaha budynka prymykaje park, u jakim zachavalisia 300-hadovyja duby. Pobač — staraja siadziba i mahiła niamieckich sałdataŭ Pieršaj Suśvietnaj vajny.
Niedaloka ad Zaśviry nie mienš cikavaje miastečka, Śvir, z haroj Stefana Batoryja, ź jakoj adkryvajecca panarama na adnajmiennaje voziera - samaje doŭhaje ŭ Biełarusi. Mienavita tut płanavaŭsia lehiendarny pachod słaŭnaha karala Stefana na Połack u 1579 hodzie.
U Šemietavie možna pabačyć kaścioł z unikalnymi vitražami, a taksama manumientalnyja pabudovy - frahmienty staradaŭniaj siadziby Skirmuntaŭ.
I na zaviaršeńnie ekskursijnaha maršrutu ŭdzielnikaŭ čakaje špacyr pa ekałahičnaj ściežcy Błakitnych azior, dzivosnaha kutka biełaruskaj pryrody. Možna budzie pabačyć niekalki ŭnikalnych azior rehijona, padniacca na naziralnuju viežu i palubavacca miascovym łandšaftam. Na bierazie azior Hłubla abo Hłubielka, dzie jość stajanki, budzie mahčymaść zładzić nievialiki piknik.
Daviedacca padrabiaznaści i zapisacca ŭ vandroŭku pa najpryhažejšych miaścinach Biełarusi možna pa telefonach:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary