Trenier «Niomana» pra majku z Pahoniaj: «A što tut nadzvyčajnaha? Treba viedać svaju historyju»
Hałoŭny trenier hrodzienskaha «Niomana» Ihar Kavalevič na matč 12-ha tura čempijanatu Biełarusi pa futbole vyjšaŭ u majcy z Pahoniaj. «NN» raspytała nastaŭnika, z čym źviazanaja jahonaje rašeńnie.
«Majku padaryli — ja ŭ joj vyjšaŭ. Pryhožaja žoŭtaja majka. Tak supała, što kolery «Niomana» taksama žoŭtyja. Pahonia nie zabaronienaja. Ja mahu nadzieć, vy možacie nadzieć. Navošta taki kipieš? Ja nie čakaŭ takoj reakcyi», — kaža Kavalevič.
Što značyć dla treniera hetaja simvolika? «Heta historyka-kulturnaja spadčyna, naša historyja. Što heta moža značyć? U Biełarusi kaliści byŭ taki hierb. Ni bolš, ni mienš. A što tut nadzvyčajnaha? Treba ž viedać svaju historyju. Pa historyi Biełarusi mienš čytaju, pa historyi Rasii čytaju Pikula. Chacia apošnim časam i pa historyi Biełarusi ŭsio bolej čytaju», — raskazvaje nastaŭnik «Niomana».
Kali Kavalevič upieršyniu pačuŭ pra Pahoniu? «Ja ŭ Biełarusi naradziŭsia, mnie 50 hadoŭ, treba ž takija rečy viedać. Pahonia jość na hierbach Viciebska, Mahilova, Lepiela, Vierchniadźvinska».
Razmaŭlaŭ Kavalevič pa-rusku, a ci viedaje jon biełaruskuju movu? «Kali pryjazdžaju na radzimu, to havaru takim dyjalektam. Tata ŭ mianie ź Janava, a mama — z Drahičynskaha rajona. Biełaruskuju movu viedaju, ale kab čysta razmaŭlać, to nie. Tolki na miascovych havorkach».
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary