Biełaruś choča adharadzicca ad Ukrainy 11-kiłamietrovym kavaljeram. Procipažarnym — u bałocie Maročna
Kavaljer — damba z rovam amal 11 kiłamietraŭ udoŭžki — maje prajści ŭzdoŭž biełaruska-ŭkrainskaj miažy ŭ bałocie Maročna. Takim čynam Biellashas choča vyrašyć prablemu lasnych, bałotnych pažaraŭ, što prychodziać u Biełaruś z Ukrainy, paviedamlaje Zialony partał.
U suchim 2015 hodzie ŭ vyniku ich vyharali sotni hiektaraŭ. Ahoń najčaściej prychodziŭ z poŭdnia, z Ukrainy.
Kavaljer — heta hidratechničnaje zbudavańnie. Z dvuch bakoŭ — kanavy, a pasiaredzinie — damba, nasypanaja z hruntu, uziataha z kanaŭ. Pakolki toj hrunt pieravažna tarfiany, to kožnyja 500 mietraŭ na dambie buduć nasypacca pieramyčki ź piasku. Vyšynia damby budzie da 1,5 mietra, šyrynia pa viersie — da 6,5 mietra, daŭžynia — 10,8 km. Damba maje prajści na poŭdzień ad siała Dzieraŭnaja Stolinskaha rajona.
Damba budzie vykarystoŭvacca i biełaruskimi pamiežnikami. Jana projdzie za 60 mietraŭ ad ukrainska-biełaruskaj miažy.
Biellashasu vyhadnyja takija vialikija prajekty, bo heta mahčymaść atrymać vialikaje finansavańnie.
Pažary na bałotach — prablema, bo hetaja zona ŭ Stolinskim rajonie zabrudžanaja, i kožny pažar aznačaje vykid radyjacyi.
U toj ža čas lubaja takaja damba źmianiaje ekałahičny bałans. Tamu ekołahi bjuć tryvohu. Na ich dumku, damba razreža siaredniuju častku Maročna na dva i parušyć hidrałahičny bałans.
Minpryrody nie dało zhody na budaŭnictva anałahičnaj damby ŭ Almanskich bałotach, jakija majuć achoŭny status. A voś u Maročnie — dazvoliła. Tamu što tut prajektavanaja damba nie prachodzić praz zakaźnik, jakim źjaŭlajecca častka Maročnaha.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary