Na abnoŭlenaj Kamsamolskaj u Minsku častka lukaŭ akazałasia nie taho pamieru, častka — pakryłasia iržoj
Na vychodnych u tvitary Antona Matolki źjaviŭsia rolik ź niadaŭna rekanstrujavanaj vulicy Kamsamolskaj, dzie minčuki pakazvajuć, što chistajecca novy luk, i kamientujuć: «Čałaviek išoŭ i ledź nie pravaliŭsia». Tut.by daviedaŭsia, u čym prablema i jak jaje buduć likvidavać.
Na videa, apublikavanym u tvitary, źviarnuli ŭvahu ŭ administracyi Centralnaha rajona. U kamientarach pradstaŭniki ŭłady adrazu adreahavali i paabiacali vyrašyć prablemu. Praź niejki čas jany rastłumačyli, što zakazčyk vypravić niedachopy 9 lipienia, a luk, što chistaŭsia, paznačyli časovaj aharodžaj
Ale časovaja aharodža zastałasia i 9 lipienia ŭdzień. Budaŭniki ŭ hety dzień likvidavali niedarobki i patłumačyli, što ŭsie luki začynienyja.
Zaŭvažym, što, akramia pytańnia ab biaśpiecy, da novych lukaŭ na piešachodnaj vulicy ŭžo byli pretenzii i pa jakaści. U sietcy vykazvali mierkavańnie i tym, što dekaratyŭnyja zusim novyja nakryŭki lukaŭ zanadta chutka paržavieli.
Namieśnik kiraŭnika Centralnaha rajona Vadzim Pieradnia kaža, što nie ŭsie luki ad pastaŭščyka padyšli pa pamiery.
— Vialikaja kolkaść, mahčyma, kala 40, patrabuje zamieny (pa tendary zakazčyk kupiŭ 72 kamplekty kryšak dla lukaŭ amal na 30 tysiač rubloŭ). Ciapier heta pytańnie ŭrehulujecca na praciahu dvuch tydniaŭ, całkam zamieniać, pryviaduć u adpaviednaść luki i viečki. Pretenzii pa jakaści vystavili, budzie zamiena pa harantyjnym abaviazacielstvie. Heta pracoŭny momant.
Pa słovach Pieradni, budaŭniki praviarajuć luki i imknucca abmiažoŭvać da ich dostup.
-
«Trava tvaja, a piasok dziaržaŭny!» Biełarusy aburanyja štrafami za «kradziež» piasku
-
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje sabie ŭ vyrazach u sacsietkach
-
U Vilejskim rajonie staruju viaskovuju chatu pieratvaryli ŭ tvorčuju prastoru
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje sabie ŭ vyrazach u sacsietkach7
Kamientary