Naviednika restarana «Pajedziem, pajadzim» buduć sudzić za abrazu abaroncaŭ Kurapataŭ
U aŭtorak, 17 lipienia, u sudzie Minskaha rajona adbudziecca razhlad spravy ab administratyŭnym pravaparušeńni ŭ dačynieńni da adnaho z naviednikaŭ restarana «Pajedziem, pajadzim», paviedamlaje pres-słužba Partyi BNF.
S. Nieluba, jaki 14 červienia pryjechaŭ u restaran, abvinavačvajuć u «abrazie» (art. 9.3 KaAP RB), jamu pahražaje štraf da 20 bazavych vieličyniaŭ (490 rubloŭ).
Zajaŭnikam pa spravie vystupiŭ staršynia Partyi BNF Ryhor Kastusioŭ, jaki śćviardžaje, što Nielub «vykazvaŭ abureńnie hramadskaj vartaj, abražaŭ pratestoŭcaŭ i navat sprabavaŭ skiravać svoj aŭtamabil naŭprost na ludziej».
Ryhor Kastusioŭ źviarnuŭ uvahu supracoŭnikaŭ DAI na toje, što aŭtamabil hramadzianina Nieluba nie prachodziŭ naležny techahlad, i na hetaj padstavie na jaho taksama byŭ składzieny administratyŭny pratakoł.
«Hety čałaviek jaŭna nie čakaŭ takoha pavarotu padziejaŭ, i adreahavaŭ na spraviadlivyja zaŭvahi milicyjantaŭ brudnaj i nieprystojnaj łajankaj, abražajučy ŭsich prysutnych… Usie prysutnyja pry hetym incydencie mohuć paćvierdzić, što pavodziny Nieluba byli jaŭnaj pravakacyjaj, jon śviadoma šukaŭ kanfliktu, chvaliŭsia što jahony baćka ŭ 1942 hodzie słužyŭ u vojskach NKUS», — zaznačyŭ R. Kastusioŭ.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary