Amal (niesapraŭdnaje imia - Red.) 11 hadoŭ, i jana sprabuje raźvieścisia z 38-hadovym mužam, piša CNN. Dziaŭčynka z Sudana vučyłasia ŭ pačatkovaj škole, kali jaje budučy muž paprasiŭ jaje ruki ŭ baćki Amal. Baćka dziaŭčynki pryniaŭ hetuju prapanovu, i jaje adrazu ž addali zamuž.
U Sudanie dziciačyja šluby źjaŭlajucca častkaj miascovaj kultury, abumoŭlenaj tradycyjami i halečaj. Zhodna z dakładam JUNISIEF ad 2017 hoda, bolš za tracinu sudanskich dziaŭčynak addajuć zamuž da taho, jak im spoŭnicca 18 hadoŭ, a 12% — da taho, jak im spoŭnicca 15 hadoŭ.
Pavodle miascovaha Zakonu ab statusie musulman ad 1991 hoda, dzieci mohuć rehistravać šlub, kali dasiahajuć «stałaści», heta značyć va ŭzroście 10 hadoŭ. Heta samy nizki ŭzrost uziaćcia šlubu ŭ Afrycy.
Amal, jakaja vyjšła zamuž jašče da dasiahnieńnia padletkavaha ŭzrostu, raskazała, što nieadnarazova była achviaraj hvałtu z boku muža, jaki kuryŭ cyharety, pakul jaje biŭ.
Pa słovach dziaŭčynki, jana źviartałasia pa dapamohu da baćki, ale jon adsyłaŭ jaje nazad. Urešcie rešt jana źbiehła z dapamohaj pieršaj žonki svajho muža.
Amalin baćka, jaki pracuje blacharom na vulicy, sam haduje šeść dačok. Kali jon tłumačyć, čamu vydaŭ zamuž Amal, niahledziačy na jaje juny ŭzrost, jon spasyłajecca na tradycyi i honar.
Mnohija baćki ŭ Sudanie vydajuć zamuž svaich dačok u nadziei paźbiehnuć halečy, hvałtu abo siamiejnaj hańby. Niezamužnich žančyn časta styhmatyzujuć jak ahir, «biaspłodnych» ci bajra, «nie zapatrabavanych dla šlubu».
11-hadovaja dziaŭčynka, jakoj padabajecca hulać ź lalkami, niepachisna nastojvaje na afarmleńni razvodu. Jak tolki heta adbudziecca, jana choča viarnucca ŭ škołu, dzie vučacca jaje siabry.
Kamientary