Paśla niaŭdałaj sproby pieravarotu ŭ Čarnahoryi Rasija ŭsio roŭna sprabuje paŭpłyvać na ŭnutranyja spravy krainy. Pra heta havorycca ŭ paviedamleńni sajta Euvsdisinfo, jaki viadzie apieratyŭnaja hrupa pa stratehičnych kamunikacyjach źniešniepalityčnaj słužby ES. Sajt zajmajecca asprečvańniem kramloŭskaj prapahandy.
Sajt pryvodzić dadzienyja niadaŭniaha daśledavańnia Foreign Policy Research Institute, jakoje fakusujecca na intaresach Kramla ŭ Čarnahoryi i na tym, jakija viadomyja taktyki ŭpłyvu, u tym liku dezynfarmacyju, RF užyvała ŭ krainie.
U dakładzie pryvodzicca vysnova, što, niahledziačy na niaŭdałyja sproby praduchilić ustupleńnie Čarnahoryi ŭ NATA, sproby ŭździejańnia praciahvajucca, ale abranaja novaja stratehija — «raspalić palityčnuju i nacyjanalnuju varožaść z metaj destabilizacyi Čarnahoryi i praduchileńnia dalejšaj intehracyi ŭ Zachodniaj Jeŭropie».
Z hetaj metaj rasijskija čynoŭniki raspaŭsiudžvali dezynfarmacyju pra NATA. U pryvatnaści, dałučeńnie da Aljansu padavałasia jak pravakacyja suprać Rasiei. U adkaz rasiejskija čynoŭniki časta ahučvali pahrozy.
Što tyčycca ŭmiašańnia Rasii va ŭnutranyja spravy krainy, u spravazdačy pryvodzicca apisańnie sudovaj spravy ŭ dačynieńni da rasiejskich ahientaŭ za ich udzieł u sprobie pieravarotu ŭ 2016 hodzie. Čarnahoryja ličyć, što za płaniroŭkaj putču stajać rasiejskaja vyviedka i FSB.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»8
Kamientary