Ministr navakolnaha asiarodździa Francyi Nikala Juło abviaściŭ pra svaju adstaŭku padčas emacyjnaha vystupu ŭ žyvym efiry radyjostancyi France Inter. Jaho rašeńnie stała niečakanaściu navat dla prezidenta krainy Emanuela Makrona.
#DémissionHulot : édition spéciale du "Téléphone sonne" de @FabSintes à 19h20.
Vos questions dès maintenant avec #telsonne
► https://t.co/0tIBGbcqBx pic.twitter.com/GBMr0dz5bu
Nikala Juło, były televiadučy i ekałahičny aktyvist, pryznaŭsia, što rašeńniu pakinuć pasadu ministra papiaredničała čarada rasčaravańniaŭ, źviazanaja ź jaho biespaśpiachovymi sprobami damahčysia prasoŭvańnia ŭ vyrašeńni šerahu ekałahičnych prablem.
U tym liku, pa jaho słovach, jon byŭ rasčaravany tym, što miery pa baraćbie sa źmienaj klimatu va ŭrada Francyi ŭvieś čas akazvalisia ŭ kancy śpisu pryjarytetaŭ.
Pa słovach Juło, va ŭradzie jon adčuvaŭ siabie ŭ samocie i nie bačyŭ nijakaj realnaj padtrymki.
Nikala Juło padkreśliŭ, što rašeńnie ab adstaŭcy było pryniata raptoŭna, i navat jaho žonka pra jaho nie viedała.
Jak udakładniŭ Nikala Juło, jon nie kazaŭ pra svajo rašeńnie ni prezidentu krainy Emanuelu Makronu, ni premjeru Eduaru Filipu z bojazi, što jany mohuć pasprabavać pierakanać jaho i ŭhavaryć admovicca ad adstaŭki.
Nikala Juło — adzin z samych papularnych ministraŭ va ŭradzie Francyi, jaho adstaŭka — surjozny ŭdar pa ŭradzie i pazicyjach Makrona, čyj rejtynh ciapier znachodzicca na davoli nizkim uzroŭni.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary