Alaksandr Łukašenka vystupaje kateharyčna suprać ślapoha kapijavańnia čužych sistem adukacyi. Ab hetym kiraŭnik dziaržavy zajaviŭ siońnia ŭ čas sustrečy sa studentami hrodzienskich VNU.
«Ja kateharyčna suprać taho, kab my ślepa kapijavali čužyja sistemy adukacyi, u nas svaja niadrennaja. Hetuju sistemu łamać nie treba, jaje treba ŭdaskanalvać, prystasoŭvajučy da sučasnych umoŭ», - padkreśliŭ Alaksandr Łukašenka.
Kiraŭnik dziaržavy adznačyŭ, što ŭ Biełarusi časam robiacca sproby złamać isnujučuju sistemu adukacyi i pryŭnieści ŭ jaje nie zaŭsiody stanoŭčyja naviny.
«Moža być, nie tak, ale ŭ mianie skłałasia takoje ŭražańnie, što ŭsich pačali rabić bakałaŭrami, zahoniać usich u mahistraturu — voś tady ty budzieš sapraŭdy śpiecyjalistam. Heta niapravilna, - ličyć jon. — Śpiecyjalist — heta toj, chto atrymlivaje vyšejšuju adukacyju va ŭniviersitecie. Chočaš być navukoŭcam — kali łaska, idzi ŭ mahistraturu, aśpiranturu».
Łukašenka dadaŭ, što ŭ chutkim časie praviadzie naradu, padčas jakoha členy ŭrada dałožać, jak vykonvajucca jaho daručeńni pa raźvićci sistemy vyšejšaj adukacyi ŭ krainie.
«Ja hladzieŭ na vašych chłopcaŭ i dziaŭčat, jakija pakazvali svaje raboty, i mianie nie pakidała dumka: dy narmalna chłopcy, absalutna, jak u nas pryniata kazać, na jeŭrapiejskim uzroŭni. Jany navat vyšej za ich. Navošta, pytajecca, łamać adukacyju va ŭniviersitecie? Sapraŭdy hetak i ŭ inšych VNU. Udaskanalvać — treba. Ale dla hetaha nam nie treba ni sistemu łamać, ni našych ludziej. Ci patrebnyja sučasnaje abstalavańnie, mietodyki, znosiny, kab vy bačyli, jakoha ŭzroŭniu dasiahnuli vašyja kankurenty. i ŭ hetaj kankurentnaj baraćbie treba pieramahać, kali my chočam čahości damahčysia», - pierakanany kiraŭnik dziaržavy.
Kamientary