Tendencyja pavieličeńnia kolkaści handlovych kanfliktaŭ, jakaja siońnia isnuje ŭ śviecie, niasie vialikuju pahrozu, u tym liku i dla Biełarusi. Pra heta na Šostym mižnarodnym Kastryčnickim ekanamičnym forumie (KEF) «Biełaruś u dzivosnym novym śviecie» zajaviŭ pieršy namieśnik ministra zamiežnych spraŭ Andrej Jeŭdačenka, piša Tut.by.
— Apošnija handlovyja kanflikty patencyjna ŭžo siońnia niasuć vialikuju pahrozu. U Biełarusi my ŭžo atrymali pošliny na ŭvoz stali i aluminiju ŭ ZŠA dla našaha mietałurhičnaha zavoda. Na apošniaj štohadovaj kanfierencyi MVF i Suśvietnaha banka ahučvalisia realnyja ličby, što ŭ druhim kvartale hetaha hoda rost handlu skaraciŭsia da nula adsotkaŭ, hruzavyja i avija pieravozki skaracilisia ŭ dva-try razy ŭ paraŭnańni ź minułym hodam. Dumaju, da kanca hetaha hoda budziem mieć jašče horšuju statystyku, — zajaviŭ Andrej Jeŭdačenka.
Namieśnik ministra taksama padkreśliŭ, što takaja tendencyja dla Biełarusi vielmi drennaja, bo siońnia, paśla karotkaj dystancyi adnaŭleńnia, kraina pavinna ŭtrymać dynamiku rostu abjomu tavaraabarotu.
— Pika našaha handlu my dasiahnuli ŭ 2012 hodzie, kali abjom tavaraabarotu składaŭ 92,5 młrd dalaraŭ. Paśla hetaha my čatyry hady padali, i naš abjom handlu skaraciŭsia na 45%, a biełaruski ekspart upaŭ na 49%. I tolki ŭ kancy 2016 hoda, dziakujučy adnaŭleńniu suśvietnaj ekanomiki, my pačali pryrastać. U 2017 hodzie my dadali 24%, a za dzieviać miesiacaŭ 2018 hoda ŭ nas plus 18,2% u eksparcie tavaraŭ. My prajšli vielmi karotkuju dystancyju adnaŭleńnia, u hety pieryjad było b, viadoma, vielmi niepažadana źnižać hetuju dynamiku. Nam jašče treba dabrać amal 30 młrd dalaraŭ da ŭzroŭniu 2012 hoda, - skazaŭ Jeŭdačenka.
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami22
Kamientary