Viadučy brytanskaha radyjo ŭ žyvym efiry vyratavaŭ samazabojcu ad hibieli FOTA
Viadučy brytanskaha radyjo Talk Radio, jakoha zavuć Jen Li, vyratavaŭ samazabojcu ad śmierci padčas pramoha efiru. Jon sprabavaŭ zrabić usio dla taho, kab chłopiec na inšym kancy linii nie abarvaŭ suviazi, pakul jaho šukali ratavalniki. Pra heta paviedamlaje RBK-Ukraina sa spasyłkaj na The Independent.
U efir brytanskaha radyjo patelefanavaŭ samazabojca, jaki skardziŭsia na toje, što stamiŭsia zmahacca z posttraŭmatyčnym stresavym sindromam i bolš nie choča žyć.
Jen Li vyrašyŭ vyratavać chłopca, sprabujučy maksimalna padtrymlivać razmovu. Adznačajecca, što havorka samazabojcy čas ad času pieraryvałasia, adnak Li kožny raz viartaŭ jaho ŭ prytomnaść.
«Davaj tak, Krys. Ja nie chaču, kab ty pamior siońnia ŭviečary. Mnie treba viedać, na jakoj ty vulicy. Ja chaču, kab ty pieražyŭ siońniašniuju noč i pahavaryŭ sa mnoj zaŭtra. Ja nie chaču, kab ty pamior siońnia ŭviečary, tamu što ja lublu ciabie. Ja lublu ciabie, brat. Ja lublu ciabie», — kazaŭ viadučy.
Paśla hetych słoŭ samazabojca nazvaŭ adras. Paśla hetaha Jen Li vyklikaŭ na miesca palicyju i chutkuju dapamohu.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary