97-hadovy muž karalevy Vialikabrytanii zdaŭ pravy kiroŭcy, učyniŭšy DTZ
Muž karalevy Vialikabrytanii Lizaviety II prync Filip, hiercah Edynburhski, jaki ŭletku maje adśviatkavać 98-y dzień naradžeńnia, zdaŭ pravy kiroŭcy paśla avaryi ź jaho udziełam, jakaja adbyłasia ŭ studzieni, paviedamlajuć infarmahienctvy sa spasyłkaj na Bukinhiemski pałac.
17 studzienia Land Rover Freelander, za rulom jakoha znachodziŭsia prync Filip, sutyknuŭsia z aŭtamabilem KIA na skryžavańni, niepadalok ad karaleŭskaha majontka Sandrynhiem. Mašyna hiercaha Edynburhskaha pieraviarnułasia, i minakam pryjšłosia dapamahčy mužu brytanskaj karalevy pakinuć sałon. Prync Filip ŭ vyniku avaryi nie paciarpieŭ.
Jon paprasiŭ prabačeńnia za toje, što, vyjazdžajučy na hałoŭnuju darohu, nie zaŭvažyŭ aŭtamabil KIA, u jakim znachodzilisia 46-hadovaja brytanka Ema Fiejruezier i jaje 28-hadovaja siabroŭka ź dziciem. Pa słovach prynca Filipa, jon byŭ aślepleny nizkim zimovym soncam i ŭ narmalnych umovach abaviazkova zaŭvažyŭ by na skryžavańni aŭtamabil, jaki ruchajecca pa hałoŭnaj darozie.
U vyniku avaryi Fiejruezier atrymała pierałom zapiaścia, žančyna-kiroŭca — parezy kalena, a 9-miesiačny chłopčyk nie paciarpieŭ.
-
«Chaču choć adzin prypynak prajechać z vami!» Studencki chor vykanaŭ u aŭtobusie biełaruskuju narodnuju pieśniu — ludzi ŭ zachapleńni
-
Adpačynak u Vjetnamie za $500 u sutki. Biełarusy raskazali, što rasčaravała za takija hrošy
-
Na «Poli cudaŭ» śpieli pieśniu pra toje, jak kłasna žyć z adklučanym internetam
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary