Alaksandr Łukašenka zajaviŭ pra mahčymaje stvareńnie adzinaj valuty Sajuznaj dziaržavy ŭ chodzie «Vialikaj razmovy» z hramadskaściu i ŚMI. Joju, na dumku Łukašenki, pavinien stać nie rasijski ci biełaruski, a adziny «ahulny» rubiel.
U Dziarždumie Rasii vykazali zdahadku, što ahulnaja hrašovaja adzinka ź Biełaruśsiu moža być uviedziena ŭ abarot z 2020 hoda. Pra heta «Fiedieralnomu ahientstvu novostiej» raspavioŭ pieršy namieśnik staršyni kamiteta pa ekanamičnaj palitycy, pramysłovaści, inavacyjnym raźvićci i pradprymalnictvie Uładzimir Hucienioŭ.
«Ja dapuskaju, što možna było b raspracavać z 2020 hoda krychu inšy źniešni vyhlad rubla, jaki nie mocna b adroźnivaŭsia ad papiarednich pa pamierach.
Ale, pa prapanovie našych biełaruskich siabroŭ, mieŭ by na sabie vyjavu niejkich nacyjanalna značnych biełaruskich architekturnych pomnikaŭ ci skulptur, u hetym ničoha strašnaha niama»,
— skazaŭ Hucienioŭ.
Deputat Dziarždumy taksama nazvaŭ prapanovu Alaksandra Łukašenki ab uviadzieńni adzinaha novaha rubla dla dźviuch krain chutčej emacyjnaj, čym racyjanalnaj.
«Zamiaščeńnie usioj valuty, što znachodzicca ŭ abaračeńni, budzie patrabavać šalonaj kolkaści hrošaj, — adznačyŭ Hucienioŭ. — Kali b Biełaruś uziała na siabie vydatki, my b pajšli nasustrač.
Ale pakolki našy partniory, chutčej za ŭsio, zachočuć bačyć hetyja vydatki ŭ rasijskim biudžecie, to možna było b pašyryć palitru pryhožych vidaŭ na rasijskich rublach jašče i biełaruskimi krajavidami».
Kamientary