Boeing 737, jaki vykonvaŭ rejs Adys-Abieba — Najrobi ŭpaŭ u Efiopii. Na jaho borcie było 149 pasažyraŭ i 8 členaŭ ekipažu.
Pra heta paviedamiła administracyja premjer-ministra krainy.
The Office of the PM, on behalf of the Government and people of Ethiopia, would like to express it's deepest condolences to the families of those that have lost their loved ones on Ethiopian Airlines Boeing 737 on regular scheduled flight to Nairobi, Kenya this morning.
Ofis premjer-ministra ŭ Tvitary vykazaŭ «najhłybiejšyja spačuvańni» siemjam zahinułych.
Samalot raźbiŭsia praz šeść chvilin paśla ŭźlotu i ŭpaŭ, miarkujecca, kala horada Bišoftu, što za 60 km ad stalicy.
Jak stała viadoma paźniej z paviedamleńniaŭ miascovych ŚMI, nichto z pasažyraŭ i členaŭ ekipažu nie zdoleŭ uratavacca.
Na borcie, jak paviedamiŭ kiraŭnik Ethiopian Airlines, byli hramadzianie 22 krain. Najbolš — Kienii, Efiopii i Kanady. Byli taksama hramadzianie Kitaja, Polščy i Rasii. Pasažyry ź biełaruskimi pašpartami na bort nie rehistravalisia.
Dvum pasažyram samalota, jaki ruchnuŭ u Efiopii, udałosia vyžyć: jany prosta spaźnilisia na rejs
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary