Na majskija śviaty Biełaruskaja čyhunka naznačyła 40 dadatkovych pajazdoŭ mižrehijanalnych i mižnarodnych linij.
«Biełaruskaja čyhunka zahadzia prymaje miery pa zabieśpiačeńni pieravozak pasažyraŭ u śviatočnyja dni, — adznačyli ŭ pres-centry. — Tak, z 26 krasavika pa 12 maja naznačana 40 dadatkovych pajazdoŭ, ź jakich 34 u mižrehijanalnych znosinach, 6 — u mižnarodnych».
U mižrehijanalnych znosinach dadatkovyja pajazdy buduć kursiravać pamiž Minskam i abłasnymi centrami: Homielem, Viciebskam, Brestam i Mahilovam, a taksama pa maršrutach Minsk — Mazyr — Minsk i Minsk — Pinsk. Dadatkovyja mižnarodnyja pajazdy praduhledžvajucca pa maršrutach Minsk — Vilnius — Minsk i Sankt-Pieciarburh — Bransk.
Rabota pa naznačeńni dadatkovych pajazdoŭ budzie pradoŭžana z ulikam pavieličeńnia pasažyrapatoku, adznačajuć u pres-centry. Bolš padrabiaznuju infarmacyju ab raskładzie ruchu pajazdoŭ i ich maršrutach možna atrymać u kantakt-centry Biełaruskaj čyhunki pa telefonie 105, u čyhunačnych kasach, a taksama na sajcie BČ.
Kamientary