Cieła mužčyny było znojdziena ŭ Homieli na vulicy Vajskovaj 14 maja ŭ 12.40. Jaho znajšła viełasipiedystka, jakaja prajazdžała pobač.
Jak raspaviała CHP24.BY vidavočca, prajazdžajučy mima, jana zaŭvažyła na darozie mužčynu z rovaram, jaki lažaŭ. Dziaŭčyna adrazu vyklikała chutkuju i padyšła bližej da cieła, adnak akazvać dapamohu było ŭžo pozna.
«Było vielmi šmat kryvi i vialikaja hiematoma na rebrach, a taksama było paškodžana vucha. Mužčyna lažaŭ z adkrytymi vačyma, adnak nie padavaŭ prykmiet žyćcia».
Taksama, pa słovach vidavočcy, na miescy zdareńnia nie było nijakich inšych aŭtamabilaŭ. Adnak na darozie prysutničali ślady ad kołaŭ aŭtamabilaŭ, a taksama vadzianyja patoki — daždžu pierad hetym nie było. Vialikich jam na darozie hetak ža nie nazirałasia.
Kiroŭcy hruzavoha aŭtamabila, jakija padjechali praź niekalki chvilin, raspaviali, što chvilin 20 tamu jechali pa hetaj darozie na skład zahružacca i takoha tut nie było.
Paźniej na miesca prybyli supracoŭniki milicyi. Śledstvu treba budzie vyśvietlić, ci było heta DTZ, abo mužčyna zvaliŭsia z rovara sam.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja115
Kamientary