Prezident Litvy Hitanas Naŭsieda kaža, što hatovy palapšać adnosiny ź Biełaruśsiu, ale abiacaje trymacca žorstkaj pazicyi nakont błakavańnia impartu elektraenierhii ź Biełaruskaj AES u Astraŭcy, piša Delfi
«Ja pierakanany, što nam nie varta kuplać elektraenierhiju z elektrastancyi, pabudavanaj biez vykanańnia patrabavańniaŭ biaśpieki, bo heta pahroza dla našych žycharoŭ, heta pahroza našaj biaśpiecy», - skazaŭ H. Naŭsieda žurnalistam u Varšavie ŭ aŭtorak.
«Ale kali mahčyma palapšać adnosiny z ulikam voś hetaha składniku, hetaha faktaru, to ja hatovy heta rabić», — dadaŭ prezident.
Jon skazaŭ, što pakul nie pryniaŭ rašeńnie, ci moža dyjałoh ź Biełaruśsiu prachodzić na samym vysokim uzroŭni.
Pa słovach prezidenta, zaraz Litva jašče dumaje, kaho z pradstaŭnikoŭ biełaruskich uładaŭ zaprasić na cyrymoniju pierapachavańnia astankaŭ udzielnikaŭ paŭstańnia 1863-1864 hadoŭ, zapłanavanuju na vosień u Vilni.
«Ci pavinien heta być vizit kiraŭnika samaha vysokaha ŭzroŭniu, dazvolcie nam pra heta jašče padumać, i ja liču, što nieŭzabavie my zmožam adkazać vam na hetaje pytańnie», - skazaŭ H. Naŭsieda.
Pa słovach prezidenta Litvy, adnosiny ź Biełaruśsiu byli važnaj temaj dla abmierkavańnia na jaho sustrečach z prezidentam Polščy Andžejem Dudam, premjeram Matevušam Maravieckim i lidaram kirujučaj partyi Jarasłavam Kačyńskim.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie4
Kamientary