U mietro chacieli źniać banier Symbal.by «Rodnaja Biełaruś». A paśla reakcyi ŚMI pieradumali
Rekłamna-infarmacyjny adździeł Minskaha mietrapalitenu zapatrabavaŭ źniać rekłamny banier kramy biełaruskich nacyjanalnych rečaŭ Symbal.by «Rodnaja Biełaruś», jaki dva tydni visieŭ na stancyi mietro «Kastryčnickaja». Ale paśla publikacyj ŚMI razdumaŭ.
Pra heta paviedamiŭ u sacsietkach zasnavalnik «Symbal.Baj» Pavieł Biełavus.
«Pazvanili ź mietrapalitenu i skazali, što nie buduć zdymać našuju rekłamu. Dziakuj žurnalistam, jakija pačali zvanić im i zadavać pytańni.
Pryčynaj źniaćcia, jak paviedamlali Biełavusu raniej, byli skarhi, «što banier nahadvaje bieł-čyrvona-bieły ściah i im nie zrazumieły siužet, «kamu i kudy treba stavić nacisk».
«Zaŭvažu, što rekłamny siužet dva tydni nazad adździeł rekłamy mietro ŭzhadniŭ i da jaho ŭ ich nie było pytańniaŭ», — adznačaje Biełavus. I ciešycca, što ŭsio skončyłasia parazumieńniem.
Kamientary