Bolš za 300 000 knih byli kanfiskavanyja z tureckich škoł i biblijatek i źniščanyja paśla sproby dziaržaŭnaha pieravarotu ŭ Turcyi ŭ 2016 hodzie, piša Guardian.
Ministr adukacyi Turcyi abviaściŭ na minułym tydni, što 301 878 knih byli źniščanyja, pakolki jany źviazany ź Fietchułoj Hiulenam, musulmanskim śviatarom, jakoha Turcyja abvinavačvaje ŭ padbuchtorvańni da sproby vajennaha pieravarotu ŭ 2016 hodzie. Hiulen admaŭlaje svajo dačynieńnie.
Naprykład, u 2016 hodzie ŭ Turcyi była zabaronienaja matematyčnaja kniha za toje, što ŭ pytańni byli pradstaŭleny inicyjały Hiulena («z punkta F u punkt G»).
Taksama ŭ Turcyi byli źniščany padručniki, dzie było słova «Piensilvanija» — štat, u jakim žyvie Hiulen. Novyja padručniki byli pieravydadzienyja biez hetaha słova.
Kamientary