Prezident Francyi Emaniuel Makron zajaviŭ, što žycharam Brazilii soramna za pavodziny prezidenta krainy Žaira Bałsanaru, jaki ŭ Facebook paśmiajaŭsia sa źniešnaści žonki francuzskaha lidara, paviedamlaje BFM TV.
«Ja dumaju, što brazilskim žančynam było soramna čytać zajavu svajho prezidenta. Liču, što pradstaŭnikam vialikaha naroda Brazilii soramna za takija pavodziny. Pakolki ja vielmi pavažaju brazilcaŭ, ja vielmi spadziajusia, što ŭ ich budzie prezident, jaki narmalna siabie pavodzić», — skazaŭ Makron.
Raniej karystalnik Facebook Radryhu Andreas sarkastyčna adreahavaŭ na sprečku pamiž Makronam i Bałsanaru nakont situacyi z pažarami ŭ Amazonii. Jon raźmiaściŭ dźvie fatahrafii. Na adnoj byŭ Bałsanaru z 37-hadovaj žonkaj Mišel u dzień inaŭhuracyi, na druhoj — Makron z 66-hadovaj žonkaj Brydžyt. Fota jon padpisaŭ tak: «Ciapier vy razumiejecie, čamu Makron pieraśleduje Bałsanaru».
Bałsanaru adnym ź pieršych pakinuŭ kamientar pad dopisam: «Nie prynižaj čałavieka. Łoł».
Kamientary