Pa 20 hod turmy atrymali žančyny, na vačach u jakich sužyciel hvałciŭ ich dačok i ŭsio zdymaŭ na videa
U sieradu, 16 kastryčnika, sud Ušackaha rajona Viciebskaj vobłaści vynies prysud žycharu Minska i dźvium siostram z Navapołacka — fihurantam rezanansnaj kryminalnaj spravy ab piedafilii. Pra vyniki suda piša pres-sakratar MUS Volha Čamadanava.
«Złačynstva vyjavili supracoŭniki hałoŭnaha ŭpraŭleńnia pa narkakantroli i supraćdziejańni handlu ludźmi Ministerstva ŭnutranych spraŭ Biełarusi. U rukach apieratyŭnikaŭ apynulisia fatahrafii i videaroliki sa scenami seksualnaha hvałtu nad dźviuma maleńkimi dziaŭčynkami. Vyśvietliłasia, što mužčyna, jaki ŭsio «režysiravaŭ», zdymaŭ, a taksama niepasredna ŭdzielničaŭ u tym, što adbyvajecca, na praciahu doŭhaha času, staranna chavajučysia, ździajśniaŭ złačynstvy suprać pałavoj niedatykalnaści dziaciej, vyrablaŭ i pradavaŭ materyjały parnahrafičnaha charaktaru z vyjavaj małaletnich, zajmaŭsia handlem dziećmi», — raspavioŭ namieśnik načalnika hałoŭnaha ŭpraŭleńnia pa narkakantroli i supraćdziejańni handlu ludźmi MUS Dźmitryj Cajun.
U 2015 hodzie fihurant paznajomiŭsia ź dźviuma siostrami z Navapołacka. Kožnaja vychoŭvała dačku. Dziaŭčynkam było 2 i 4 hady. Nieŭzabavie jon pačaŭ žyć sumiesna z adnoj z maci. Paśla jon sistematyčna hvałtavaŭ jaje dačku i plamieńnicu, fiksavaŭ heta na videa i pradavaŭ roliki ŭ zakrytych sietkach. Rodnyja maci byli ŭ kursie taho, što adbyvajecca i atrymlivali za heta hrošy. Nie mienš šakuje, što siostry sami ździajśniali seksualnyja złačynstvy ŭ adnosinach da dziaciej, zdymali ŭsio na videa i raspaŭsiudžvali roliki praź internet.
Sud pryznaŭ mužčynu i dźviuch žančyn vinavatymi ŭ inkryminavanych im złačynstvach i pryznačyŭ maksimalna mahčymaje ŭ hetym vypadku pakarańnie: kožny ź fihurantaŭ atrymaŭ pa 20 hadoŭ pazbaŭleńnia voli.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami33
Kamientary