Aktyvist anarchisckaha ruchu Źmicier Palijenka sprabavaŭ uskryć vieny na sudzie 17 kastryčnika ŭ znak pratestu suprać zakryćcia pracesu — trojčy parezaŭ ruku špilkaj. Jaho vyvieli z zały, piša Radyjo Svaboda.
Praz hadzinu Palijenku viarnuli ŭ zału, dzie pačynaŭsia praces. Sud pahadzilisia zrabić adkrytym. Palijenka zajaviŭ, što svajho damohsia. Jaho sustreli avacyjaj.
***
Sud mieŭ raspačacca 25 vieraśnia ŭ Minskim haradskim sudzie, ale byŭ adkładzieny praz chvarobu sudździ. Było vyrašana, što sud budzie prachodzić u zakrytym režymie.
Palijenka byŭ zatrymany 20 sakavika pa padazreńni ŭ ździajśnieńni asabliva złosnaha chulihanstva (art. 339 KK). Jaho abvinavačvajuć u tym, što jon raspyliŭ hazavy bałončyk u tvar mužčynu, jaki zrabiŭ jamu zaŭvahu za kureńnie na leśvičnaj placoŭcy. 5 krasavika Palijenku było pradjaŭlenaje abvinavačvańnie pa niekalkich artykułach Kryminalnaha kodeksa: č. 3 art. 339, art. 341 i č. 1 art. 130. Abvinavačvańnie pa art. 341 KK Palijenku pradjaŭlena za naniasieńnie hrafici na budynak na vulicy Achockaj.
2 lipienia Śledčy kamitet paviedamiŭ, što rasśledavańnie kryminalnaj spravy Dźmitryja Palijenki zavieršana i jana pieradadzienaja ŭ prakuraturu dla nakiravańnia ŭ sud. Ale prakuratura h. Minska viarnuła ŭ Zavodski rajonny adździeł Śledčaha kamiteta spravu Źmiciera Palijenki dla praviadzieńnia dadatkovaha papiaredniaha rasśledavańnia ŭ adpaviednaści z artykułam 264 Kryminalna-pracesualnaha kodeksa.
Vynikam hetaha stali dva novyja kryminalnyja artykuły: 341 za hrafici ŭ Kurapatach i 369 za abrazu byłoha kiraŭnika MUS Ihara Šunieviča.
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»19
Kamientary