U Barsiełonie treciuju noč zapar praciahnulisia sutyknieńni pratestujučych z palicyjaj. Napiaredadni pa mieddapamohu źviarnulisia kala 100 čałaviek, nie mienš za 30 aktyvistaŭ byli zatrymanyja, paviedamlaje Radyjo Svaboda.
Demanstracyja prychilnikaŭ niezaležnaści Katałonii ŭ sieradu sabrała bolš za 20 tysiač čałaviek. Pad viečar akcyja pačałasia kala budynka miascovaj palicyi. Ale mitynh pieraros u biesparadki. Radykalnyja aktyvisty kidali ŭ palicyjantaŭ kamiani, butelki i pietardy. Pravaachoŭnyja orhany zajavili, što ŭ ich bok kidali «kaktejli Mołatava».
Pratestoŭcy błakavali vulicy i padpalvali śmiećcievyja kantejniery, z-za čaho zhareli niekalki aŭtamabilaŭ. Usiaho było zafiksavana kala 50 pažaraŭ u vyniku pratestaŭ.
Kiraŭnik urada Katałonii Kim Tore ŭpieršyniu publična asudziŭ biesparadki. Jon padkreśliŭ, što ruch za niezaležnaść Katałonii zaŭsiody asudžaŭ hvałt i robić heta i zaraz. Taksama jon zajaviŭ u čaćvier ab nieabchodnaści pravieści novaje hałasavańnie pra samavyznačeńnie vobłaści.
Kamientary