Što budzie namalavana na trecim murale na vulicy Prytyckaha
U Minsku prezientavali stryt-art-prajekt «Budučynia», pieradajuć «Minsk-Naviny».
Jon pryśviečany sučasnaj Biełarusi, jakuju aŭtary rabot vyrašyli pakazać praz vobrazy maładych ludziej.
Zaraz hatovyja dva z troch malunkaŭ — «Fryłans» (aŭtar sierb Artez) i «Ličbavy śviet» (biełarus Mutus).
Na ścianie doma № 150 na vulicy Prytyckaha namalavanaja dziaŭčyna z zaplečnikam, ź jakoha vyhladajuć vasilki.
Na 134-m — simvaličny vobraz, naviejany słavianskaj bahiniaj Makoš. U rukach u dziaŭčyny vieraciano, a nad hałavoj kłubok suzorjaŭ.
— Pracavaŭ nad eskizam 2 miesiacy, było šmat varyjantaŭ — kala 60. Ja vykłaŭsia pa maksimumie, užyŭ uvieś nazapašany vopyt, idei i techničnyja zadumki, — raspavioŭ Mutus.
Zavieršyć murał-trypcich ispanski mastak Slim, dapamoža jamu ŭvasobić zadumku jaho suajčyńnik Jofre Oliveras. U Minsk jany pryjeduć u siaredzinie listapada.
Arhanizatary prajektu začytali pasłańnie Slim, jakoje apisvaje jaho ideju:
— «My — hieroi budučyni». Heta vyjava moža mieć niekalki interpretacyj. Dla mianie siužet uvasablaje važnaść novaha pakaleńnia, jakoje ŭjaŭlaje saboj budučyniu i prahres krainy.
Pavodle słoŭ pieršaha namieśnika kiraŭnika administracyi Frunzienskaha rajona Dzianisa Drapieja, u rajonie buduć źjaŭlacca novyja murały, užo jość prapanovy. Ale dzie mienavita i chto nad imi budzie pracavać, pakul nie raskryvajecca.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary