Noč chłopiec pravioŭ u izalatary časovaha ŭtrymańnia na Akreścina. Z ranicy ž jaho advieźli da prakurora, jaki pryniaŭ rašeńnie źmianić mieru ŭtrymańnia — źniavoleńnie na padpisku ab niavyjeździe.
17‑hadovaha Maksima Dašuka siońnia vyzvali pad padpisku ab niavyjeździe.23 lutaha jaho vyklikali ŭ RUUS Maskoŭskaha rajonu stalicy, dzie pradjavili abvinavačańnie ŭ parušeńni ŭmovaŭ adbyćcia pakarańnia. Heta artykuł 415 KK, pavodle jakoha Maksima mohuć źniavolić na termin ad šaści miesiacaŭ da troch hadoŭ.
Noč chłopiec pravioŭ u izalatary časovaha ŭtrymańnia na Akreścina. Z ranicy ž jaho advieźli da prakurora, jaki pryniaŭ rašeńnie źmianić mieru ŭtrymańnia — źniavoleńnie na padpisku ab niavyjeździe.Pra heta chadajničaŭ navat śledčy Alaškievič. Dzieści a šostaj viečara Maksima adpuścili dadomu.
U hutarcy z karespandentam «NN» Maksim Dašuk pryznaŭsia: «Ščyra kažučy, nie dumaŭ, što aryštujuć. Byŭ nievialiki šok. Čakaŭ, što ŭsio abydziecca bolš‑mienš narmalna».
Pra pryčyny aryštu chłopiec skazaŭ: «Usie papiaredžańni byli vyniesienyja za toje, što nie znachodziŭsia ŭ kvatery ŭ patrebny čas. Mnie dazvalałasia vychodzić z chaty tolki dźvie hadziny na sutki, a treba było dapamahać maci, bo baćka pamior jašče ŭ krasaviku. Pracy ŭ mianie nie było, bo niepaŭnaletni, a taksama niama minskaj prapiski».
Pavodle Maksima jamu nie skazali, kali sprava moža być nakiravanaja ŭ sud dla razhladu. «Napeŭna, heta zojmie 2‑3 miesiacy, jakija budu znachodzicca pad chatnim aryštam», — kaža Dašuk.
«Pavodle hetaha artykułu praduhledžvajecca pakarańnie tolki pazbaŭleńniem voli, tamu maralna ŭžo rychtuju siabie da turmy. Spadziajusia, što ŭličvajučy moj uzrost daduć nie bolš hodu. Zaraz, kali pryjšoŭ dadomu, trochu supakoiŭsia. U turmie ž było strašnavata».
Nahadajem, što ŭ traŭni Dašuka asudzili na paŭtara hodu abmiežavańnia voli biez nakiravańnia ŭ kamiendatury za ŭdzieł u akcyi pradprymalnikaŭ 10 studzienia. Jon staŭ druhim fihurantam «Pracesu čatyrnaccaci», jakoha źniavolili. U babrujskim SIZA sudu čakaje Arciom Dubski.
Ciapier čytajuć
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1111
Kamientary