Ułady Biełastoka spadziajucca na aeraport Hrodna. Jany dumajuć, što adtul latajuć samaloty pa ŭsioj Jeŭropie
Namieśnik prezidenta Biełastoka ŭ svaim fejsbuku padzialiŭsia entuzijazmam nakont vykarystańnia palakami aeraporta ŭ Hrodnie, piša Hrodna.life.
«Za 80 kiłamietraŭ ad Biełastoka ŭ nas jość aeraport, ź jakoha samaloty laciać pa ŭsioj Jeŭropie i za jaje miežy. Kali b adnačasova bilet na palot byŭ vizaj i propuskam dla imhniennaha pierasiačeńnia miažy, akazałasia b, što aeraport u Hrodnie stanovicca vielmi pryvabnym dla žycharoŭ Biełastoka. Ci mahčyma heta? Na siońniašnim pasiadžeńni našaj piaciorki ŭ konsulstvie Biełarusi vyśvietliłasia, što jość zialonaje śviatło dla takoha rašeńnia paśla zaviaršeńnia rabot na pamiežnym pierachodzie ŭ Kuźnicy», — napisaŭ namieśnik prezidenta Biełastoka Adam Musiuk paśla razmovy z hienieralnym konsułam Biełarusi Ałaj Fiodaravaj.
U kamientaryjach namieśniku prezidenta patłumačyli, što nasamreč z Hrodna pakul što latajuć tolki čartary i adzin rejs u Kalininhrad, i toj nie ŭvieś hod.
Partał DzienDobryBialystok spasyłajecca na toje, što «Biełaeranavihacyja» raspaviadała pra razmovy ź jeŭrapiejskimi łoŭkostami nakont arhanizacyi palotaŭ z Hrodna. Pakul heta tolki razmovy i niama paćviardžeńnia, što niejki jeŭrapiejski pieravozčyk zacikaŭleny ŭ takich rejsach.
U Biełastoku šmat hadoŭ iduć razmovy pra adkryćcio paŭnavartasnaha rehijanalnaha aeraporta. Pakul što ŭ Kryŭlanach pad Biełastokam zbudavali uźlotna-pasadačnuju pałasu, ale jana zanadta karotkaja i pakul nie atrymała patrebnaj siertyfikacyi. Tamu, chacia pałasu zbudavali bolš za hod tamu, na joj jašče nie pryziamliŭsia nivodzin samalot.
Kab atrymać siertyfikacyju patrebna vyrubić niekalki hiektaraŭ lesu, što budzie mahčyma nie raniej za viasnu 2020. I ŭsio roŭna ŭ Biełastoku zmohuć pryziamlacca samaloty raźličanyja na maksimum 50 čałaviek, jakija mohuć pralatać da 2000 km za adzin palot.
Tema aeraporta ŭ Biełastoku rehularna ŭspłyvaje ŭ čas miascovych vybaraŭ u Polščy. Mnohija palityki abiacajuć zapuścić rejsy, ale ŭžo šmat hod hetaha nie ŭdajecca realizavać.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary