Pra spynieńnie haładoŭki pratestu abvieściŭ na presavaj kanferencyi 17 červienia kiraŭnik niezarehistravanaj arhanizacyi «Małady Front» Źmicier Daškievič.
Pra spynieńnie haładoŭki pratestu abvieściŭ na presavaj kanferencyi 17 červienia kiraŭnik niezarehistravanaj arhanizacyi «Małady Front» Źmicier Daškievič. Akcyju spyniajuć apošnija 9 haładoŭnikaŭ u Miensku i adzin – u Mastach. Asnoŭnaj pryčynaj Daškievič nazvaŭ paharšeńnie stanu zdaroŭja ŭdzielnikaŭ: 16 červienia istotna horš stali pačuvacca dźvie dziaŭčyny – udzielnicy haładoŭki. Adnu ź ich, Nastu Azarku, navat špitalizavali: daktary zrabili joj niekalki ŭkołaŭ hlukozy.
Druhoj pryčynaj spynieńnia 20-dzionnaj hestafetnaj haładoŭki moładzi Daškievič nazvaŭ prablemy z zdymanaj kvateraj u Miensku, dzie sabralisia haładoŭniki: «Pamiaškańnie było ŭ składanym jurydyčnym statusie (pad prodažam), i kadebisty nacisnuli na haspadyniu, što skanfiskujuć kvateru».
Daškievič pratrymaŭsia najdaŭžej za ŭsich astatnich haładoŭnikaŭ – 16 sutak. Da hetaha, jak jon kaža, maksymalny termin haładvańnia mieŭ 6 sutak. Aceńvajučy vyniki akcyi, Źmicier kaža, što haładoŭniki nie damahlisia reakcyi ŭłady, ale źviarnuli ŭvahu hramadztva na važnyja prablemy: pieraśled moładzievych aktyvistaŭ, najaŭnaść palitviaźniaŭ u Biełarusi, represii suprać viernikaŭ. «My nie płanavali hetuju haładoŭku – heta byŭ stychiŭny pratest našych aktyvistaŭ u rehijonach, jaki vykazali salidarnaść z kiraŭnictvam «Maładoha Frontu», – zaznačyŭ jon.
Zbor materyjałaŭ u kryminalnaj spravie pa kiraŭnictvie «Maładoha Frontu» praciahnuty da žniŭnia. Na sudovy praces maładafrontaŭcy planujuć vyklikać kala 1000 śviedkaŭ, jakija paćvierdziać svoj udzieł u arhanizacyi. Užo ciapier sabranyja niekalki tysiačaŭ podpisaŭ pad zvarotam u padtrymku padślednych.
Za 20 dzion u estafetnaj haładoŭcy pryniali ŭdzieł, pavodle acenak Daškieviča, kala 100 čałaviek: «Dakładnuju ličbu nazvać składana. My atrymlivali šmsat listoŭ, dzie ludzi pisali, što buduć haładać na znak salidarnaści z nami 3 dni, ci 5 dzion, ci da pačatku ispytaŭ...»
AŠ
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary