Makiej: Nie treba prysvojvać Maniušku, Mickieviča, Kalinoŭskaha kamuści adnamu. Jany našy, ahulnyja
Značnyja histaryčnyja postaci — heta ahulnaja kulturnaja spadčyna, ich nielha dzialić pamiž krainami. Takoje mierkavańnie vykazaŭ ministr zamiežnych spraŭ, staršynia Nacyjanalnaj kamisii pa spravach JUNIESKA Uładzimir Makiej na mierapryjemstvie z nahody 200-hodździa z dnia naradžeńnia Stanisłava Maniuški, pieradaje karespandent BiełTA.
Mierapryjemstva arhanizavana MZS sumiesna z Nacyjanalnym histaryčnym muziejem. U budynku ministerstva adkryłasia vystava «Stanisłaŭ Maniuška. Padarožža ŭ XIX stahodździe», padrychtavanaja Muziejem historyi teatralnaj i muzyčnaj kultury, byŭ prezientavany virtualny prajekt Nacyjanalnaj biblijateki Biełarusi «Stanisłaŭ Maniuška. Muzyčny ramantyk ź Minščyny», vystupili studenty Biełaruskaj dziaržaŭnaj akademii muzyki.
Pavodle słoŭ ministra, u Biełarusi jość niamała prykładaŭ asob, jakija naležać da histaryčnaj spadčyny roznych krain. Heta Adam Mickievič, Tadevuš Kaściuška.
«Jany naležać nie tolki našaj historyi. Im davodziłasia žyć na roznych terytoryjach, u roznych dziaržavach. Jany naležać našaj ahulnaj spadčynie, susiednim narodam. I nie treba dzialić, prysvojvać i Stanisłava Maniušku, i Adama Mickieviča, i Kastusia Kalinoŭskaha kamuści adnamu. Jany našy, ahulnyja, naležać usim našym krainam», — padkreśliŭ ministr.
U svaju čarhu časovy pavierany ŭ spravach Respubliki Polšča ŭ Biełarusi Marcin Vajciachoŭski ličyć, što, adznačajučy razam jubilej Maniuški, dźvie krainy prademanstravali ŭmieńnie «pryhoža abjadnoŭvacca». «Dazvolcie padziakavać za toje, što my ŭmiejem dzialicca Maniuškam u najlepšym razumieńni hetaha słova, bo kožnaja z našych krain ličyć jaho ŭ peŭnaj stupieni svaim. Heta nie ŭsim padabajecca, ale, uličvajučy bijahrafiju vialikaha kampazitara, u nas niama inšaha vychadu», — adznačyŭ pavierany.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie3
Kamientary